Hagayi 2:18 - Tonga Bible 1986

¹⁸ Ghanaghanani kwamba zuŵa ili mpaka ku nthazi; kwamba zuŵa la machumi ghaŵi pachanya ghanayi (24) la mwezi wachinkhonde ndi chinayi. Kutuwa zuŵa lo chiŵanja cha kasopi wa Ambuya chinguzengeke, ghanaghanani.

Hagayi 2:18 Referans Kwoze

Zekariya 8:9

Viyo ndimo anene Ambuya ŵa maŵanja; “Manja ghinu ghakhome, imwe mu mazuŵa yagha mwavwa mazu mu mlomo wa ŵamchimi, kutuwa ku zuŵa lo chiŵanja cha nyumba ya Ambuya ŵa maŵanja chinguzengeke; kuti kasopi wazengeke.

Hagayi 2:15

Rombani sono, ndi ghanaghanani ndicho chazamuŵako kutuwa zuŵa ili mpaka ku nthazi, mwa wenga undaŵikike pa mwa unyake mu kasopi wa Ambuya.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.

Hagayi 2:10

Pa zuŵa la machumi ghaŵi pachanya ghanayi (24) la mwezi wa chinkhonde ndi chinayi mu chirimika cha chiŵi chaku Dariusi, mazu gha Ambuya ghanguza kwaku Hagayi mchimi kuti,

Zekariya 4:9

“Manja ghaku Zerubabele ghazenga chiŵanja cha nyumba iyi; manja ghake ndigho ghamumatizga so.” Ndipo uziŵenge kuti Ambuya ŵa maŵanja andituma kwaku imwe.

ŴaLevi 19:25

Kweni mu chirimika cha chinkhonde murghenge vipasi vyawo, alinga kuti miti yimupasiyeninge vyakuzala: Ndine Ambuya Chiuta winu.

Ezra 4:24

Ndipo nyumba yaku Chiuta yo yenga mu Yerusalemu yingurekeka; ŵangureka mpaka chirimika cha chiŵi cha muwusu waku Dariusi karonga waku Perese.