Hagayi 2:17 - Tonga Bible 1986

¹⁷ Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.

Hagayi 2:17 Referans Kwoze

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Hagayi 1:11

Ndipo ndadana chilala pa charu ndi pa mapiri, pa trigu, ndi pa vinyo mufya, pa mafuta, paku cho chose charu chipasa, pa ŵanthu ndi pa ng'ombe, ndi pa nchitu zawo zose.”

Hagayi 1:9

Mwapenja vinandi, kweni ehe, vinguŵa vimanavi; ndipo po munguza navyo kumuzi, ndinguviputiskiya kutali. Chifukwa nchine? Atiti Ambuya ŵa maŵanja. Nchifukwa cha nyumba yangu yo njakupasuka, kweni mwatangwanika, munthu yose ndi nyumba yake.

1 ŴaKaronga 8:37

“Asani mwe chilala mu charu, asani mwe chiwowota pamwenga vitupatupa pamwenga chideru, pamwenga zombe pamwenga matondo; asani ŵakupindikana ŵawo ŵatuŵazinga msumba wawo we wose, manyi nchideru chakutinji, manyi ndi matenda gha mtundu uli gho ghalimo.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Chivumbuzi 2:21

Ndipo ndingumpaska nyengo yakuti wang'anamuke; ndipo kuti wakhumba cha kung'anumuka, kutuwako ku ureŵi wake.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Yeremiya 3:24

“Kweni kwamba ku uhurwa widu chinthu cha soni chananga vyose vyo auskefwe ŵangugomekezga, viŵetu vyawo ndi ŵaliska ŵawo, ŵana ŵawo ŵanthurumi ndi ŵanthukazi.

Yesaya 62:8

Ambuya arapa ndi janja lawo lakurghiya ndi janja lawo lanthazi: “Kuti ndikapaskanga so mbutu yinu cha kuŵa chakurgha cha ŵarwani ŵinu, ndipo ŵamwenda nthowa kuti ŵakamwanga vinyo winu cha yo mwajitakatakiya mwaŵeni;

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Yesaya 37:27

penipo ŵakujamo mwaku yo mbakutomboroka, ŵakutenthemeskeka, ndi ŵakutimbanizgika ndipo ŵaŵa uli ndi vyakume mu munda ndi uli mbuteka uŵisi, nge mbuteka pachanya pa nyumba, wakufota wenga undakuwe.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Sumu 78:46

Wangutuma kapuchi kurgha vyakurgha vyawo, ndi ŵaphanana kuparghang'a minda yawo.

Jobu 36:13

“Ŵanthu ŵambura Chiuta ku mitima yawo ŵawunjika ukari, kuti ŵaromba chovyo cha penipo ŵati ŵamanga.

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

2 Mikoka 6:28

“Asani mwe nja mu charu asani mwawa chiwowota, pamwenga kachamba, pamwenga kodikodi, pamwenga zombe, pamwenga fufuzi, asani ŵarwani ŵawo ŵati ŵazinga mu misumba yawo ye yose, manyi chingaŵa chideru cha mtundu uli, pamwenga utenda wa mtundu uli;

Chiyambo 42:27

Ndipo penipo yumoza waku wo wangubanuwa thumba lake kuti wapaski mbunda yake gaga pa malo pakula wanguwona ndrama zake mu mlomo wa thumba lake;

Chiyambo 42:23

Ŵengavi kuziŵa kuti Yosefe wanguziŵa vyo wakambanga, chifukwa penga mutoliki pakati pawo.

Chiyambo 42:6

Sono Yosefe wenga mweruzgi mura pa charu chiya; iyo ndiyo waguliskanga trigu ku ŵanthu wose ŵa charu chiya. Ndipo ŵana ŵanyake ŵaku Yosefe wanguza, ndipo ŵangukotama mitu yawo paurongo pake ndi visku vyawo pasi zgoli.

Yesaya 28:2

Ehe, Ambuya ŵe nayo yumoza yo ngwakulimba ndi wanthazi, uli chimphunga cha nya, lirondo lakubwanganduwa, uli nchimphunga cha kulimba, chakusapatiska maji, wakapong'anga pa charu chapasi ndi ukari.

Sumu 128:2

Mukarghanga vipasi vya nchitu ya manja ghinu; kukamuŵiyaninga umampha, ndipo mukakondwanga.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Hagayi 2:16

Kumbi mwajanga uli penipo munthu wanguza ku ndundu ya myeso ya machumi ghaŵi, kweni panguŵa chumi pe penipo yumoza wanguza pa chakupondiyamo mphereska kuzachinegha misuku machumi ghankhonde (50), kweni mwenga vinyo wakukwana misuku machumi ghaŵi pe (20).

Malaki 3:11

Nkachenyanga zombe chifukwa chaku imwe, kuti wareke kurgha ndi kumwa vipasi vya nyata yinu, ndipo mphereska zinu mu munda kuti zikatondekanga kupasa cha, atiti Ambuya ŵa maŵanja.