Hagayi 2:16 - Tonga Bible 1986

¹⁶ Kumbi mwajanga uli penipo munthu wanguza ku ndundu ya myeso ya machumi ghaŵi, kweni panguŵa chumi pe penipo yumoza wanguza pa chakupondiyamo mphereska kuzachinegha misuku machumi ghankhonde (50), kweni mwenga vinyo wakukwana misuku machumi ghaŵi pe (20).

Hagayi 2:16 Referans Kwoze

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Yesaya 5:10

Pakuti ndimi chumi za munda wa mphereska zipasenge vyakuzaza nkhari yimoza, ndipo mbeu ya sokora yimoza yikapasanga chise chimoza pe.”

Yeremiya 48:33

“Chimwemwe ndi likondwa vyatuzgikapo pa charu cha vipasi cha Moabu; ndamariska vinyo mwakuponde mphereska; palivi yumoza watumukanda ndi chiwawa cha likondwa, chiwawa kuti nchiwawa cha likondwa cha.

Hagayi 2:15

Rombani sono, ndi ghanaghanani ndicho chazamuŵako kutuwa zuŵa ili mpaka ku nthazi, mwa wenga undaŵikike pa mwa unyake mu kasopi wa Ambuya.

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.