Hagayi 1:8 - Tonga Bible 1986

⁸ Kwerani mu mapiri mukatimu miti ndi muzachizenga nyumba, mwakuti ndikondwe nayo, ndi kuti ndiwoneke mu unkhankhu wangu, atiti Ambuya.

Hagayi 1:8 Referans Kwoze

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

2 Mikoka 7:16

Chifukwa sono ndayisankha ndi kuyipatuwa nyumba yo mwakuti zina langu liŵenge mwaku yo muyanya; maso ghangu ndi mtima wangu vikaŵanga mwaku yo nyengo yose.

Hagayi 2:7

ndipo nkhasukuniskanga mitunda yose, mwakuti usambasi wa mitundu yose uzengemu, ndi nkhazazanga nyumba iyi ndi unkhankhu, atiti Ambuya ŵa maŵanja.

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

Chituwa 29:43

Mwenimuwa ndikakumananga ndi ŵaYisraele, ndipo likapaturikanga ndi unkhankhu wangu.

Hagayi 2:9

Unkhankhu wa pavuli ŵa nyumba iyi ukaŵanga kuruska wa pakudanga, atiti Ambuya ŵa maŵanja; ndipo nkhapaskanga usambasi mu malo yagha, atiti Ambuya ŵa maŵanja.’ ”

Yesaya 66:11

alinga monkhe ndi kukhorwa ndi naŵe gha ghasangaruska, kuti mumwe ukongwa ndi kukondwa kwakutuwa ku kuzala kwa unkhankhu wake.”

Yesaya 60:13

Unkhankhu wa Lebanoni ukazanga kwaku imwe muti wa mlombwa, mbaŵa, ndi milanji, kunozeska malo ghangu ghakupaturika; ndikachitanga malo gha marundi ghangu kuŵa gha unkhankhu.

Yesaya 60:7

Miskambu yaviŵetu yaku Kedara yazamuwunjikana kwaku iwe, ŵabira ŵaku Nebayoti ŵazamtataliya iwe; ŵakazanga ndi mipasku ya marondeka pa jochero langu, ndipo unkhankhu ukakuskikiyanga ko ku unkhankhu mu kasopi wangu.

Ezra 6:4

ndi mizere yitatu ya mya yikuru ndi muzere umoza wa miti, ndipo ndrama zo zikhumbikwa zituwa ku thumba la ndrama za karonga.

1 ŴaKaronga 6:1

Mu chirimika cha machumi pe chumi ghanayi ndi machumi ghankhonde ndi ghatatu (480) ŵaYisraele ŵati ŵatuwa mu charu cha Egipiti, mu chirimika cha chinayi cha muwusu waku Solomoni pa ŵaYisraele, mu mwezi wa Zivu, wo ndi mwezi wachiŵi, wangwamba kuzenga nyumba ya Ambuya.

Hagayi 1:7

“Viyo atiti Ambuya ŵa maŵanja: ghanaghanani ndimo mwajaliya.

1 Mikoka 22:19

Sono khozgani mitima ndi umoyo winu kupenja Ambuya Chiuta winu. Sokani ndi muzenge nyumba ya kupaturika ya Ambuya Chiuta, mwakuti bokosi la phanganu la Ambuya ndi viyaŵi vyakupaturika vyaku Chiuta vitoleke mu nyumba yakuzengeke zina la Ambuya.”