Hagayi 1:6 - Tonga Bible 1986

⁶ Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Hagayi 1:6 Referans Kwoze

Hagayi 1:9

Mwapenja vinandi, kweni ehe, vinguŵa vimanavi; ndipo po munguza navyo kumuzi, ndinguviputiskiya kutali. Chifukwa nchine? Atiti Ambuya ŵa maŵanja. Nchifukwa cha nyumba yangu yo njakupasuka, kweni mwatangwanika, munthu yose ndi nyumba yake.

Hoseya 4:10

Warghenge kweni kuti ŵagutenge cha; ŵachitenge ureŵi kweni kuti ŵandanenge cha; chifukwa ŵareka kuphwere Ambuya mwakuti ŵaŵika mitima yawo pa ureŵi.

Hagayi 2:16

Kumbi mwajanga uli penipo munthu wanguza ku ndundu ya myeso ya machumi ghaŵi, kweni panguŵa chumi pe penipo yumoza wanguza pa chakupondiyamo mphereska kuzachinegha misuku machumi ghankhonde (50), kweni mwenga vinyo wakukwana misuku machumi ghaŵi pe (20).

Hoseya 8:7

Chifukwa ŵangupanda mphepo, ndipo ŵavunenge kavuruvuru. Trigu walivi mphonji, kuti wakapasanga vipasi cha. Asani wangupasa, ŵalendo ŵatinge ŵarghenge.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Yesaya 5:10

Pakuti ndimi chumi za munda wa mphereska zipasenge vyakuzaza nkhari yimoza, ndipo mbeu ya sokora yimoza yikapasanga chise chimoza pe.”

Zekariya 8:10

Chifukwa ghandafike mazuŵa gha kwengavi mphoto ku munthu pamwenga mphoto yose ku chakuŵeta, pamwenga wakutaskika ku murwani kwaku yo wangutuwa pamwenga wangusere; chifukwa ndinguŵika munthu yose kulimbana ndi mwanase wake.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Yeremiya 44:18

Kweni po tingureka koche vyachema fumukazi ya kuchanya ndi kumpaska chisopo chakudira, vinthu vyose vyatisoŵa ndipo tamarika ndi lipanga ndi chilala.”

Yeremiya 14:4

Alimi ŵalengeskeka, ŵavunikiriya mitu yawo, chifukwa cha nyata yo yanangika pakuti kwaulavi vuwa pa charu.

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

Jobu 20:28

Usambasi wamu nyumba yake wose ukatorekanga vyose viphangikenge pa zuŵa la ukari waku Chiuta.

Jobu 20:22

Mu uzari wakuguta kwake waŵenge mukavu, manja ghose ghakuwo ŵatimsuzga ghamziyenge,

1 ŴaKaronga 17:12

Ndipo chinguti, “Mo aliri amoyo Ambuya Chiuta winu, ndilivi kochapo kanthu, kweni ka ufwa pe kamanavi mu chimphuli ndi tumafuta tumanavi mu kasupa; sono reka ndideŵa tunkhuni, utu, mwakuti nkhajirongosole ine ndamweni ndi mwana wangu, kuti tikarghe, ndi kufwa.”

2 Samuele 21:1

Ndipo kunguwa chilara mu mazuŵa ghaku Davidi kwa virimika vitatu, chirimika kulondo chirimika; ndipo Davidi wangupenja chisku cha Ambuya. Ambuya anguti, “Pe mrandu wa ndopa paku Sauli ndi pa nyumba yake, chifukwa ŵanguŵika ku nyifwa ŵaGibeoni.”

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

ŴaLevi 26:20

Mukatayanga nthazi zinu pa ŵaka, chifukwa charu chinu kuti chipasenge vyakuzala cha, ndipo miti yamu charu cho kuti yikapasanga vipasi vyake cha.

Nehemiya 5:2

Pakuti ŵengapo wo ŵakambanga kuti, “Pamoza ndi ŵana ŵidu ŵanthurumi ndi ŵanthukazi te ŵanandi: tiyeni tisaniye vyakurgha tirghenge ndi tikaŵanga ŵamoyo.”

Yeremiya 12:13

Ŵamija trigu ndipo ŵavuna minga, ŵajivuska kweni kuti ŵatopu kanthu cha, ŵakalengeskekanga ndi vuna yawo chifukwa cha ukari wakofya wa Ambuya.”

Hagayi 1:5

Chifukwa ichi sono atiti Ambuya ŵa maŵanja: ghanaghanani mo mwajaliya.

Hagayi 1:7

“Viyo atiti Ambuya ŵa maŵanja: ghanaghanani ndimo mwajaliya.

Hagayi 1:10

Chifukwa ichi, machanya gha pachanya paku imwe ghajara dungwi, ndi charu chapasi chajara vipasi vyake.

Hagayi 2:17

Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.

Marangu 28:17

yikatembekanga sokora yinu ndi chakukanyiyapo chiŵande chinu.

Nthanthi 11:24

Munthu yumoza wapaska kwa wanangwa, kweni vyose vikuwa kusambasa ukongwa; munyake wakaniriya chenicho wangapaska, ndipo wakomwa vichimusoŵa.