Hagayi 1:2 - Tonga Bible 1986

² “Viyo atiti Ambuya ŵa maŵanja: Ŵanthu yaŵa ŵatiti nyengo kuti yafikapo cha yakuzenge so nyumba ya Ambuya.”

Hagayi 1:2 Referans Kwoze

Ezra 4:23

Wanguti waŵerengeka kalata wa karonga Arataserese paurongo paku Rehumu ndi Simisayi ndi ŵanyawo, ruŵi ŵanguruta ku Yerusalemu ku ŵaYuda kuŵarekeska ndi janja la nthazi.

Nehemiya 4:10

Kweni Yuda wanguti, “Kulimba kwa ŵakunyamuwa mphingu kutomboloka, ndipo pe viswaswa vinandi: kuti tingaziŵa kutata umampha pa linga ili cha.”

Wakutaula 11:4

Yo walereska mphepo kuti wakamijanga cha; ndipo wakughanaghana ndi mitambo kuti wakavunanga cha.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Maŵerengedu 13:31

Kweni ŵanyake wo ŵangukwerako nayo ŵanguti, “Tilivi nthazi yakukweriyako kwachirwana ndi ŵanthu wo; pakuti mbanthazi kwakuruska ifwe.”

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Nthanthi 22:13

Mukata watiti, “Kwe nkharamu kubwalo! Ndikabayikanga mu mseu!”

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Hagayi 1:3

Viyo mazu gha Ambuya ghanguza kwaku Hagayi mchimi kuti,

2 ŴaKaronga 12:7

Chifukwa cho karonga Yehoyashi wangudana Yehoyada mzukuru yo ndi ŵazukuru ŵanyake, wanguŵafumba, “Chifukwa chine mureka kulongoso nyumba yo? Iku sono mungalondanga so ndrama zinyake cha kwaku wo muziŵirizgana nawo, kweni muzipereke ku kurongoso nyumba.”

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;