Hagayi 1:13 - Tonga Bible 1986

¹³ Viyo Hagayi thenga la Ambuya, wanguŵanene ŵanthu ndi za uthenga wa Ambuya, wakuti, “Nde namwe, atiti Ambuya.”

Hagayi 1:13 Referans Kwoze

Yesaya 43:2

Uchiporota mu maji ndikaŵanga nawe; pakuporota, mu misinji, kuti yikakubizganinga cha, muchenda mukati mu moto kuti mukafyanga cha, ndipo mulipu kuti ukakurghaninga cha.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Mateyu 18:20

Chifukwa po pe ŵaŵi pamwenga ŵatatu ŵakuwungirana pamoza mu zina langu, penipo ine nde pamoza nawo, mukati mwawo.”

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Yeremiya 15:20

Ndipo kwaku yaŵa ŵanthu ndikakulimbiskanga nge ndi linga la mkuŵa; ŵakarwananga nawe, kweni kuti ŵakakupundanga cha, pakuti ine nde nawe pamoza, kukutaska ndi kukupozomoska, atiti Ambuya.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

2 Mikoka 32:8

Kwaku iyo kwe janja la liŵavu la nyama; kweni kwaku ifwe kwe Ambuya Chiuta widu, kutovya ndi kurwa nkhondo zidu.” Ndipo ŵanthu ŵanguchinthiskika, kuyegeme pa mazu ghaku Hezekiya karonga waku Yuda.

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

Ezekiele 3:17

“Mwana wa munthu, ndakuchita uŵe mulonda wa nyumba yaku Yisraele; penipo pose utuvwa mazu ghangu, ukaŵachenjezganga.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

2 Timote 4:22

Mbuya waŵe ndi mzimu wako Wezi uŵe namwe.

2 ŴaKorinte 5:20

Viyo te mathenga pa chifukwa chaku Kristu, nge Chiuta waŵeyererenga mwaku ifwe: tininizikiya imwe pa chifwa chaku Kristu, mwanjaniskikiye kwaku Chiuta.

Yesaya 42:19

Njani yo ngwachiburumutiya kweni ndi mteŵeti wangu pamwenga mugota uli ndi muthenga wangu yo ndituma? Njani wachiburumutiya uli ngwakupaturika wangu, pamwenga wachiburumutiya uli ndi mteŵeti wa Ambuya?

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Ŵeruzgi 2:1

Sono mungelo wa Ambuya wangukwera kutuwa ku Gilgala kuya ku Bokimu. Ndipo wanguti, “Ndingumutoni mu Egipiti, ndinguza namwe mu charu ichi, cho ndingurapiya kupaska ku auskemwe. Ndinguti kuti ndikaswanga cha phanganu langu ndi imwe,

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.