Hagayi 1:1 - Tonga Bible 1986

¹ Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Hagayi 1:1 Referans Kwoze

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

Ezra 3:8

Mu chirimika cha chiŵi cha kuza kwawo ku nyumba yaku Chiuta ku Yerusalemu, mu mwezi wa chiŵi, Zerubabele mwana waku Sealatiele ndi Yeshua mwana waku Yozadaka, ndi ŵanyawo ŵanyake, ŵazukuru ndi ŵaLevi, ŵangwamba nchitu pamoza ndi wose wo ŵangutuwa ku uŵanda, kuza ku Yerusalemu. Wangumika ŵaLevi ŵa virimika kuruska machumi ghaŵi kuti ŵachiskenge nchitu ya nyumba ya Ambuya.

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Hagayi 2:10

Pa zuŵa la machumi ghaŵi pachanya ghanayi (24) la mwezi wa chinkhonde ndi chinayi mu chirimika cha chiŵi chaku Dariusi, mazu gha Ambuya ghanguza kwaku Hagayi mchimi kuti,

Hagayi 1:12

Viyo Zerubabele mwana waku Shealtiele, ndi Yoswa mwana waku Yehozadaka, mzukuru mura, ndi ŵanthu wose wo ŵangujaliya vuli, ŵanguvwiya mazu gha Ambuya Chiuta wawo, ndi mazu ghaku Hagayi mchimi, nge ndimo Ambuya Chiuta wawo wangumutumiya; ndipo ŵanthu ŵangopa pa maso pa Ambuya.

Nehemiya 7:7

Ŵanguza ndi Zerubabele, Yeshua, Nehemiya, Azariya, Ramiyo, Nahamani, Mordekayi, Bilishai, Mispereti, Bigivayi, Nehumu, Bana. Unandi wa ŵanthurumi ŵa ŵaYisraele:

Hagayi 1:14

Ndipo Ambuya anguyuska mzimu waku Zerubabele mwana waku Shealtiele, nduna yikuru ya charu cha Yuda, ndi mzimu waku Yoswa mwana waku Yehozadaki mzukuru mura ndi mzimu wa ŵanthu wose ŵakujaliya vuli; ndipo ŵanguza ndi ŵangutakataka pa nyumba ya Ambuya ŵa maŵanja,

Ezra 6:14

Ndipo ŵara ŵa ŵaYuda ŵangusaniya mwaŵi mu kuchima kwaku Hagayi mchimi, ndi Zekariya mwana waku Ido. Wanguzenga, kuyana ndi dangu laku Chiuta waku Yisraele, ndipo ndi dangu laku Sirusi, ndi Dariusi, ndi Arataserese karonga waku Perese.

Hagayi 2:20

Mazu gha Ambuya ghanguza kahiŵi kwaku Hagayi pa zuŵa la machumi ghaŵi pachanya ghanayi (24) gha mwezi, ghakuti,

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Nehemiya 12:10

Ndipo Yeshua wenga wiske waku Yoiyakimu, Yoiyakimu wiske waku Eliyashibu, Eliyashibu wiske waku Yoiyada,

Nehemiya 12:1

Yaŵa ndiwo ŵazukuru ndi ŵaLevi ŵeniwo ŵanguza ndi Zerubabele mwana waku Shelatieli, ndi Yeshua: Seraya, Yeremiya, Ezra,

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Nehemiya 5:14

Ndipo sono kwamba pa nyengo yo ndingumikika kuŵa mweruzgi wawo mura mu charu chaku Yuda, kwamba pa chirimika cha machumi ghaŵi (20) kwachifika ku chirimika cha machumi ghatatu pachanya viŵi (32) vyaku Arataserese karonga yo, virimika chumi ndi viŵi, nanga ndine nanga mbabali ŵangu tengavi kurgha kwakupaskika ndi karonga.

Ezra 4:24

Ndipo nyumba yaku Chiuta yo yenga mu Yerusalemu yingurekeka; ŵangureka mpaka chirimika cha chiŵi cha muwusu waku Dariusi karonga waku Perese.

Ezra 4:2

Viyo ŵanguza kwaku Zerubabele ndi ku ŵara ŵa auskeu, ŵanguti, “Tizengenge namwe; chifukwa ifwe nafwe tipenja Chiuta winu nge ndimwe. Tamubayiyanga sembe kwamba mu mazuŵa ghaku Esaradoni karonga wa Asiriya yo wangutituma kunu.”

Ezra 2:63

Mumirizi wanguŵanene kuti ŵareke kurgha vinthu vyakupaturika, mpaka mzukuru wafumbe mphenduzga ya Urimi ndi Tumimi.

Ezra 1:8

Ivi ndi vyo Sirusi karonga waku Perese wangutuzga mu janja laku Mitiredata mura wakusunga chuma; ndipo iyo wanguviŵerenge kwaku Shesbazara mumirizi waku Yuda.

1 Mikoka 3:19

Wana ŵaku Pedaya: Zerubabele ndi Simei; ndi ŵana ŵaku Zerubabele: Mesulamu ndi Hananiya, ndi mzichi wawo Salomi,

1 Mikoka 3:17

ŵana ŵaku Yekoniya yo wanguyoreka umkoli: Selatiyeli mwana wake,

2 ŴaKaronga 14:25

Wanguwerezgamo mphaka yaku Yisraele kwamba pakuserere mu Hamati kwachifika ku Nyanja ya Raba, kwakuyana ndi mazu gha Ambuya, Chiuta waku Yisraele, gho wangukambiya mu mteŵeti wake Yona mwana waku Amatayi, mchimi, yo wangutuwa ku Gatihefere.

1 ŴaKaronga 14:18

Ndipo ŵaYisraele wose ŵangumuŵika ndi ŵangumutenje, kwakulingana ndi mazu gha Ambuya, gho angukamba ku mteŵeti wawo Ahija muchimi yo.

Luka 3:27

mwana waku Joanane, mwana waku Resa, mwana waku Zerubabele, mwana waku Shealtiele, mwana waku Neri,

Chituwa 4:13

Kweni iyo wanguti, “Owe Ambuya, ndipempha, tumani munthu munyake.”

1 ŴaKaronga 10:15

kwambura kusazgako gha pade ghakutuwa ku ŵamalonda ndi ŵamalonda ŵakwendayenda, ndi ghakutuwa ku ŵakaronga wose ŵa Arabia ndi kuŵeruzgi ŵa charu.

Ezra 5:1

Ndipo ŵamchimi, Hagayi, ndi Zekariya mwana waku Ido, ŵanguchima ku ŵaYuda ŵamu Yuda ndi Yerusalemu mu zina laku Chiuta waku Yisraele yo wenga pachanya pawo.

Ezra 5:3

Pa nyengo yo kunguŵaziya tatenayi mumirizi wa chigaŵa cha sirgha la msinji, ndi Setarabozenayi ndi ŵanyawo. Wangukamba kuti, “Kumbi ndiyani yo wamulanguliyani kuzenga nyumba iyi ndi kumara chiliŵa ichi?”

Ezra 10:18

Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

Hagayi 1:2

“Viyo atiti Ambuya ŵa maŵanja: Ŵanthu yaŵa ŵatiti nyengo kuti yafikapo cha yakuzenge so nyumba ya Ambuya.”

Hagayi 1:3

Viyo mazu gha Ambuya ghanguza kwaku Hagayi mchimi kuti,

Hagayi 2:21

“Kamba kwaku Zerubabele, nduna yikuru ya charu cha Yuda, kuti, nde pafupi kusukuniska machanya ndi charu chapasi,

Malaki 1:8

Po mupaska sembe za vyakuŵeta vyachiburumutiya, kuti wo mbuheni cha? Ndipo po mupaska vyakupunduka pamwenga vyakutama, kuti wo mbuheni cha? Perekani chaviyo ku mweruzgi winu mura, kumbi wakakondwanga namwe pamwenga kumuchitiyani ulemu? atiti Ambuya ŵa maŵanja.

Hagayi 1:15

pa zuŵa la machumi ghaŵi, pachanya ghanayi (24) la mwezi, mu mwezi wa chinkhonde ndi chimoza.

Zekariya 1:1

Mu mwezi wa chinkhonde ndi chitatu, mu chirimika cha chiŵi chaku Dariusi, mazu gha Ambuya ghanguza kwaku Zekariya, mwana waku Berekiya, mwana waku Ido, mchimi, kuti,

Zekariya 3:1

Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe.