Ezra 9:8 - Tonga Bible 1986

⁸ Kweni sono kanyengo kamanavi, Ambuya Chiuta warongo wezi kutitaska ifwe takujako, ndi kutipaska chikhazi mu malo ghake ghatuŵa, mwakuti Chiuta widu wangweruske maso ghidu, ndi kutiyuska mu uŵanda widu.

Ezra 9:8 Referans Kwoze

Sumu 13:3

Ghanaghanani ndipo mundamuke, Ambuya Chiuta wangu; ngweruskani maso ghangu, vinu ndingagona tulo twa nyifwa;

Hoseya 6:2

Pavuli pa mazuŵa ghaŵi atizizimuskenge; pa zuŵa la chitatu atiyuskenge, mwakuti tije ŵamoyo pa maso pa wo.

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Sumu 85:6

Asi imwe muwerezgengepo kutisisipuska mwakuti khamu linu likondwere mwaku imwe?

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

ŴaRoma 9:27

Kweni Yesaya wakutiya paku Yisraele: “Chingana unandi wa ŵana ŵaku Yisraele we nge ndi mchenga wapa nyanja, ŵakusiyika ndiwo ŵataskikenge.

Zekariya 10:4

Kutuwenge kwaku iwo mwa wa mungodya, kwaku iwo mzumali wakukhome hema, kwaku iwo uta wa nkhondo, kwaku iwo fumu ye yose.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Zekariya 8:6

Viyo ndimo anene Ambuya ŵa maŵanja: Asani kuŵenge kwakuziziswa mu maso gha ŵakujako ŵamtundu uwu mu mazuŵa yagha, kumbi kuŵenge kwakuziziswa mu maso ghangu atiti Ambuya ŵa maŵanja?

Ezekiele 14:22

Ndipuuli, asani ŵangasiyikamo mwenimo ŵakujapo wo ŵangarongozga ŵana ŵanthurumi ndi ŵana ŵanthukazi, ŵachiza kwaku iwe, ndipo iwe uwona nthowa zawo ndi nchitu zawo, mukasangaruskikanga pa uheni wo ndatore pa Yerusalemu, inya paku vyose vyo ndataliyapo.

Yeremiya 44:14

alinga kuti paulevi yumoza wa ŵakujapo ŵa ŵaYuda wo ŵakuza kuzachija mu charu cha Egipiti wakathaŵanga pamwenga kusiyikapo wamoyo pamwenga kuwere ku charu chaku Yuda, kwaku cho ŵanweka kuweriyako kwachija kweniko; chifukwa kuti ŵakawengako cha, kweni ŵanyake ŵakuthaŵa ndiwo.”

Yeremiya 42:2

ndi ŵanguti kwaku Yeremiya mchimi, “Zomerezga kuŵeyere kwidu kuvwike paurongo pako, ndipo utirombe ku Ambuya Chiuta wako, pa ŵakujapo yaŵa wose (pakuti nge ndimo utitiwone tajapo ŵamanavi chingana kali tinguŵa ŵanandi),

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Yesaya 1:9

Asani Ambuya ŵa maŵanja ŵengavi kutisiyiyapo ŵakujapo ŵamanavi, mphanyi tinguŵa nge ndi Sodomu; ndi kusanduka nge ndi Gomora.

Wakutaula 12:11

Kukamba kwa wazeru kwenge ndi mivwi yakurasa, mazu ghakusankhika gho ghakuperekeka ndi mliska yumoza ghe nge ndi mzumali yakukhomeka ndi nthazi.

Sumu 138:7

Nanga ndipenipo ndazingirizgika ndi masuzgu, mutindisunga pakudekha; mususka, ŵarwani ŵangu ŵakari, ndikunditaska ndi nthazi yinu.

Sumu 34:5

Lereskani kwaku iwo, mungweruskike; viyo visku vinu kuti vikaŵanga ndi soni cha muyaya.

Jobu 33:30

kuwezga mzimu wake ku muunda, mwakuti wawoni ukweru wa umoyo.

Nehemiya 9:31

Ndipuuli mu malisungu ghinu ghakuru kuti mungumarana nawo cha pamwenga kuŵajowo; pakuti mwe Chiuta wawezi ndi walisungu.

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Ezra 9:9

Chifukwa tenga ŵaŵanda kweni Chiuta widu wengavi kutisiya mu uŵanda widu, watichitiya lisungu paurongo pa ŵakaronga ŵaku Perese, kutiyuska kuti tizenge nyumba yaku Chiuta widu, ndi kurongoso umampha kupasuka kwake, ndi kutipaska linga mu Yuda ndi mu Yerusalemu.

2 ŴaKaronga 19:4

Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

1 Samuele 14:29

Jonafani wanguti, “Ada ŵasuzga charu, awonani mo maso ghangu ghasandukiya ghatuŵa, chifukwa ndinguwesa uchi uwu umanavi.

1 Samuele 14:27

Kweni Jonafani kuti wanguvwa cha za rapu la awiske pa ŵanthu; viyo wanguto ndodo yo yenga mu janja lake ndi wangubwenga mu chisa cha uchi, wangumwa; ndipo maso ghake ghanguŵa ghatuŵa.

Nthanthi 29:13

Munthu mukavu ndi wakuyuzga ŵakumana pamoza; Ambuya ŵapaska ukweru ku maso ghaku wo ŵaŵi.

Yesaya 14:3

Pa nyengo yo Ambuya akupaskani chipumulo ku urwirwi winu ndi kukutimbanizgika ndi ku kutakataka kuzitu ko ŵangumutakatiskani,

Sumu 13:4

vinu murwani wangu wanganena, “Ndamugoda”, vinu wakupindikana wangasekere chifukwa ndasukunika.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.