Ezra 9:1 - Tonga Bible 1986

¹ Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.

Ezra 9:1 Referans Kwoze

Nehemiya 9:2

Ndipo ŵaYisraele ŵangujipatuwako ku ŵalendo wose, ndipo ŵanguma kuzomera maulakwi ghawo ndi maubudi gha auskeu.

Chituwa 33:16

Pakuti kukaziŵikanga uli kuti ine ndasaniya wezi mu maso ghinu, ine ndi ŵanthu ŵinu? Si nchifukwa chakuruta nafwe pamoza imwe, kuti tiziŵikadi, ine ndi ŵanthu ŵinu, kuti tipambana nawo ŵanthu wose ŵanyake wo ŵe pa charu chapasi?”

Yeremiya 26:16

Sono ŵaraŵara ndi ŵanthu wose ŵanguti ku ŵazukuru ndi ŵamchimi, “Uyu munthu kuti watenere chilangu cha nyifwa cha, pakuti warongorore mu zina la Ambuya Chiuta wide kwakuifwe.”

Yeremiya 26:10

Penipo ŵarawara ŵaku Yuda ŵanguvwa vinthu ivi, ŵanguza kutuliya ku nyumba ya karonga kuza ku nyumba ya Ambuya, ndipo ŵanguja pasi pa kuserere pa likomo Lifya la nyumba ya Ambuya.

Yesaya 52:11

Tuwanimo, tuwanimo, tuwanimo mu Babiloni, mungakonga kanthu kaukazuzi cha; tuwanimo mukati mwake, jitozgeni mwaŵeni, imwe mwaŵakunyamuwa viyaŵi vya Ambuya.

Sumu 106:35

kweni ŵangwendezgana ndi ŵamitundu ndi kusambira nthowa zawo ziheni.

Nehemiya 4:3

Tobiya mwina Amoni wenga nayo pamoza, ndipo iyo wanguti, “Inya chenicho ŵazenga asani kambwe wakwerapo wakabwanganduwanga linga lo la mya!”

Ezra 10:8

ndi kuti yo warekenge kufika mu mazuŵa ghatatu kwakuyana ndi fundu ya nduna ndi ŵaraŵara, vyuma vyose viphangike, iyo mweneko watuzgikeko ku wumba waku wo ŵakuweko ku umkoli.

2 Mikoka 33:2

Wanguchita cho chenga chiheni mu maso gha Ambuya kuringana ndi unyakazi wa ŵamitundu wo Ambuya anguŵadikiska paurongo pa ŵaYisraele.

1 ŴaKaronga 11:1

Sono karonga Solomoni wangwanja ŵanthukazi ŵachilendo: mwana munthukazi waku Farao ndi ŵaMoabu, ŵaAmoni, ŵaEdomu, ŵaSidoni, ndi ŵanthukazi ŵa ŵaHiti,

Marangu 18:9

“Mutakuti mwaza mu charu chenicho Ambuya Chiuta winu watukupaskani, mungachisambiranga kurondo kachitidu ka ukazuzi ka mitundu yo cha.

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

ŴaLevi 18:3

Mungachitanga uli ndimo ŵachitiya muno mu charu cha Kanani mo ndaza namwe cha. Mungavwiyanga marangu ghawo cha.

Chituwa 23:23

“Mungelo wangu wachenda paurongo pinu, ndi watumutoleni mu ŵaAmori, ndi ŵaHiti, ndi ŵaPerezi, ndi ŵaKanani, ndi ŵaHivi, ndi ŵaYebusi, ndi ine ndichiŵazimwamo,

Chituwa 13:5

Ndipo penipo Ambuya atikutoleni mu charu cha ŵaKanani, ŵaHiti, ŵaAmori, ŵaHivi, ndi ŵaYebusi cho angurapiya ku auskemwe kwachipaska imwe, charu chakutaŵala mukaka ndi uchi, mukasunganga uteŵeti uwu mu mwezi uwu.

Chiyambo 15:16

Ndipo ŵazamuwere kuno mu mgonezi wa chinayi; pakuti ubendezi wa Amori wenga undafiskike.”

Nehemiya 4:7

Kweni penipo Sanbalata ndi Tobiya ndi Arabu ndi ŵina Amoni ndi Ashidodi ŵanguvwa kuti kurongoso kwa linga la Yerusalemu kwarutiriyanga ndi kuti vyakusweka vingwamba kujarika, ŵangukalipa ukongwa,

Nehemiya 13:23

Mu mazuŵa ghenigho so ndinguwona ŵaYuda ŵeniwo ŵanguto ŵanthukazi ŵaku Ashidodi, Amoni, ndi Moabu,

Malaki 2:11

Yuda waŵa wambura chigomezgu, ndipo ukazuzi wachitika mu Yisraele ndi Yerusalemu, chifukwa Yuda wananga nyumba yakupaturika ya Ambuya, yo atanja, ndipo wato kuŵa muwoli wake mwana munthukazi waku chiuta mlendo.

Maŵerengedu 25:6

Ndipo awonani, yimoza wa ŵaYisraele wanguza ku ŵabali ŵake ndi munthukazi muMidiani, pa maso paku Mosese ndi wumba wose wa ŵaYisraele, penipo ŵaliyanga pa khomo la hema lakuwunganamo.

Marangu 7:1

“Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Marangu 23:8

Ŵana ŵa mgonezi wachitatu ŵeniwo ŵapapika mwaku wo ŵangaziŵa kusere mu unganu wa Ambuya.

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,

2 Mikoka 8:7

Ŵanthu wose wo ŵangusiyika ndi ŵaHiti, ndi Amori, ndi ŵaPerezi, ndi ŵaHivi, ndi ŵaYebusi wo kuti ŵenga ŵaYisraele cha,

Ezra 10:2

Ndipo Sekaniya, mwana waku Yehiele wa ŵaElama, wanguti kwaku Ezra, “Tamunangiya Chiuta widu, tato ŵanthukazi ŵalendo ŵa ŵanthu ŵa mu charu, kweni nanga ndi sono chiriko chigomezgu mwaku Yisraele.