Ezra 8:22 - Tonga Bible 1986

²² Chifukwa ndenga ndi soni kupempha kutipaska ŵankhondo ndi ŵapakavalo kutivikiriya ku ŵarwani mu nthowa, tingumunene karonga kuti, “Janja laku Chiuta widu le paku wose wo ŵatumwanja, kuŵachitiya umampha, ndipo ukuru wake we ndi nthazi kwananga wose wo ŵatumujowo.”

Ezra 8:22 Referans Kwoze

1 Petro 3:12

Pakuti maso gha Mbuya ghe pa ŵarunji, ndi makutu ghake ku niniziku lawo; kweni chisku cha Mbuya chimikana ndi ŵakuchita uheni.”

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

Chitenje 3:25

Ambuya mbamampha kwaku wo atuŵalindizga, ku mzimu weniwo utuŵapenja.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Sumu 34:22

Ambuya awombo umoyo wa ŵaŵanda ŵawo; palivi nanga njumoza wa ŵakudingang'a mwaku iwo yo wakasuskikanga.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Ezra 7:28

ndi wangurongo chanju chake chikuru paku ine paurongo pa karonga ndi ŵara ŵake ŵaupu, ndi paurongo pa ŵamirizi ŵanthazi wose ŵa karonga. Ine ndingulimba mtima chifukwa janja la Ambuya Chiuta wangu lenga pangu. Viyo ndingudana ŵara ŵaku Yisraele kuti ŵarutenge nani pamoza.

Yoswa 23:16

asani mukarengeskanga phanganu la Ambuya Chiuta winu, lo wangukulanguliyani, kuruta ndi kuteŵete achiuta ŵanyake ndi kuŵajikamiya wo, penipo ndipo ukari wa Ambuya ukakolenga paku imwe, ndipo mukafwanga ruŵi mu charu chamampha ichi cho wakupaskani.”

Ezra 7:9

Chifukwa pa zuŵa lakudanga la mwezi wakudanga ndilo wangwambiya kutuwa ku Babiloni, ndipo pa zuŵa lakudanga la mwezi wa chinkhonde wangufika ku Yerusalemu chifukwa janja lamampha laku Chiuta wake lenga nayo.

2 ŴaKorinte 7:14

Pakuti asani kwaku iyo ndatumbwiyapo kakuti pa chifukwa chinu, kuti ndalengeka soni cha; kweni uli ndimo tingumkambiyani vyose mu uneneska, viyo so chitumbwa chidu cha paurongo paku Tito chaŵa chakuneneska.

1 ŴaKorinte 9:15

Kweni ine kuti ndachitapo kanthu ndi mtufu uwu cha, ndipo kuti ndilembe yagha alinga kuti kuŵiye ine viyo cha. Chifukwa kungaŵa kwamampha kwaku ine kuti ndifwe kwakuruska kuti munthu wawayuwe kutumbwa kwangu.

Sumu 90:11

Ndiyani yo waziŵa nthazi kandundu kinu? Ndiyaniyo waziŵa kofya uli ko kwe mu ukari winu?

Yoswa 22:16

“Viyo ndimo ukambiya mpingo wose wa Ambuya, ‘Ndi phuzu uli ili lo mwachita paku Chiuta waku Yisraele pakupatukako msana wale ku kurondo Ambuya, pa kujizenge imwe mwaŵeni jochero mu kugarukiya Ambuya?

Ezra 8:31

Viyo tingutuwako ku msinji Ahava pa zuŵa la chumi ndi chiŵi la mwezi wakudanga kuruta ku Yerusalemu; janja laku Chiuta widu lenga nafwe. Wangutitaska ku janja lamurwani ndi wakutikhazga mu nthowa.

Nehemiya 2:9

Sono ndinguza ku ŵeruzgi ŵara ŵa chigaŵa cha kusirgha liya la msinji, ndinguŵapaska kalata wa karonga, sono karonga pamoza nane wangutuma ŵara ŵa ŵankhondo ndi ŵakukwere pa ŵakavalo.

Sumu 20:8

Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri.