Ezra 7:11 - Tonga Bible 1986

¹¹ Mazu gha kalata yo karonga Arataserese wangupaska Ezra mzukuru wakuziŵa fikepo marangu ghaku Chiuta ndi vilangulu vyake kwaku Yisraele, ndi yagha:

Ezra 7:11 Referans Kwoze

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Mateyu 23:2

“Pa chitengo chaku Mosese ŵajapo ŵalembi ndi ŵaFarisi,

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Ezra 5:6

Mazu gho Tetanayi mumirizi wa sirgha liya msinji, ndi Setarabozenayi ndi ŵanyake ŵara mu vigaŵa vya sirgha liya msinji, ŵangutuma ku karonga Dariusi,

Ezra 4:11

Kalata yo ŵangulemba kwaku Arataserese wenga wakuti, “Ŵateŵeti ŵinu ŵamu charu chaku sirgha liya la msinji ŵatumtawuzgani.

Ezra 7:10

Chifukwa Ezra wanguŵikapo limu mtima wake kupenjeska dangu laku Chiuta ndi kulichita, ndi kusambizga vilangulu vyake ndi vyeruzgu vyake mwaku Yisraele.

Ezra 7:12

“Arataserese karonga wa ŵakaronga, kwaku Ezra mzukuru, mlembi wa dangu laku Chiuta wa kuchanya.

Ezra 7:21

“Viyo ine karonga Arataserese ndilangula ŵara wose ŵakusunga chuma cha karonga mu chigaŵa cha kusirgha la msinji. Che chose cho Ezra mzukuru, mlembi wa dangu laku Chiuta wa kuchanya, wafumbenge kwinu, chichitike kwaruŵi,