Ezra 6:5 - Tonga Bible 1986

⁵ Ndipo viyaŵi vya golide ndi vya siliva vya mu nyumba yaku Chiuta vyo Nebukadanezara wanguto mu kasopi yo wenga mu Yerusalemu kuza navyo ku Babiloni viwezgeke so ku kasopi yo weku Yerusalemu, chose mu malo ghake. Muviŵike mu nyumba yaku Chiuta.”

Ezra 6:5 Referans Kwoze

Danyele 5:2

Beleshazara wanguti walaŵa vinyo, wangulangula kuti ŵazi navyo viyaŵi vya golide ndi siliva vyo vingutoreka ndi wiske Nebukadanezara mu nyumba yaku Chiuta mu Yerusalemu, mwakuti karonga, mafumu ghake, ŵawoli ŵake, ndi mabwezi ghake ghanthukazi ŵamwiyemo.

Ezra 5:14

Ndipo viyaŵi navyo vya golide ndi siliva vyamu nyumba yaku Chiuta, vyo Nebukadanezara wanguto, kuvituzga mukasopi yo wenga mu Yerusalemu, wanguviŵika mu nyumba ya ŵachiuta ŵaku babiloni. Kweni Sirusi karonga waku Babiloni wanguvituzga mu nyumba ya ŵachiuta mu Babiloni, ndipo wanguvipereka ku munthu zina lake Shesebazara, yo wangumuŵika kuŵa mumirizi.

Yeremiya 27:16

Sono ndingukamba ndi ŵazukuru ndi ŵanthu wose yaŵa, kuti, “Viyo atiti Ambuya, Rekani kuvwiya mazu gha ŵamchimi ŵinu wo ŵatimuchimiyani, kuti, ‘Ehe, viyaŵi vya nyumba ya Ambuya vikawezgekanga kwa sosonokweni kutuwa ku Babiloni’ uwu mbutesi wo ŵatumukambiyani.

Yeremiya 52:19

ndi mbale zimana-zimana, vyakupariyapo moto, mabeseni, mimphika, vyakuŵikapo nyali, mbale za vyachema, ndi mbale za vyakudiriya. Vyo vyenga vya golide, nduna yinguruta navyo kuvyesa nge ndi golide, ndi vyo vyenga vya siliva, kuvyesa nge ndi siliva.

2 Mikoka 36:10

Mu nyengo ya chifuku Nebukadanezara wangutuma ŵanthu kuza nayo ku Babiloni pamoza ndi viyaŵi vya nyumba yaku Chiuta, wangumika Zedekiya mbali wake kuŵa karonga mu Yuda ndi mu Yerusalemu.

2 ŴaKaronga 24:13

ndipo wangunyamuwa vyamu mbiku ya nyumba ya Ambuya, ndi vyamu mbiku ya nyumba ya karonga, wangudumuwa tumana-tumana viyaŵi vyose vya golide mu kasopi wa Ambuya vyo karonga Solomoni wangupanga uli ndimo Ambuya angumupangizgiya pakudanga.

Danyele 1:2

Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.

2 Mikoka 36:18

Ndipo ndi viyaŵi vyose vya nyumba yaku Chiuta vikuru ndi vimana ndi uromba wamu nyumba ya Ambuya, ndi uromba wa karonga ndi ŵakaronga ŵake, vyose wanguza navyo ku Babiloni.