Ezra 6:16 - Tonga Bible 1986

¹⁶ Ndipo ŵaYisraele, ŵazukuru, ndi ŵaLevi ndi ŵanyake ŵa ŵamikoli wo ŵanguweko, ŵangupatuwa nyumba iyi yaku Chiuta ndi likondwa.

Ezra 6:16 Referans Kwoze

2 Mikoka 7:5

Karonga Solomoni wangupereka sembe za ng'ombe vikwi machumi ghaŵi ndi viŵi (22,000) ndi mberere vikwi machumi pe chumi ndi machumi ghaŵi (120,000). Viyo ndimo karonga ndi ŵanthu wose ŵangupaturiya nyumba yaku Chiuta.

1 ŴaKaronga 8:63

Solomoni wangupereka nge ndi sembe ya chimangu ku Ambuya ng'ombe vikwi machumi ghaŵi ndi ŵivi (22,000) ndi mberere vikwi machumi pe chumi ndi machumi ghaŵi (120,000). Viyo karonga ndi khamu lose la Yisraele ŵangupatuwa nyumba ya Ambuya.

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

Yohane 10:22

Ndipo yingufika nyengo ya dghera la chiphoto mu Yerusalemu: kwenga chipwepwe;

Sumu 122:1

Ndingukondwa ŵachinena nane, “Tiyeni tirutenge ku nyumba ya Ambuya!”

Ezra 6:22

Ŵanguchita ndi chimwemwe dghera la chiŵande chambura mtupu mazuŵa ghakhonde ndi ghaŵi chifukwa Chiuta wanguŵakondweska ndi wangung'anamuriya mtima wa karonga wa Asiriya kuchiri kwawo, kukhomeska manja ghawo mu nchitu ya nyumba yaku Chiuta, Chiuta waku Yisraele.

Nehemiya 7:73

Viyo ŵazukuru, ŵaLevi, ŵakusunga malikomo, ŵakumba ndi ŵanthu ŵanyake, ŵateŵeti ŵakasopi, ndi ŵaYisraele wose ŵanjanga mu mizi yawo, ndipo penipo ungufika mwezi wa chinkhonde ndi chiŵi, ŵana ŵaku Yisraele ŵenga mu muzi wawo.

Ezra 4:1

Ŵarwani ŵaku Yuda ndi Benjamini ŵanguvwa kuti wo ŵakuwe ku umkoli ŵazenganga kasopi wa Ambuya, Chiuta waku Yisraele.

2 Mikoka 30:26

Viyo mwenga chimwemwe chikuru mu Yerusalemu.

2 Mikoka 30:23

Viyo wumba wose unguzomerezgana kusunga dghera kwa mazuŵa ghankhonde ndi ghaŵi; viyo ŵangusunga dghera kwa mazuŵa ghankhonde ndi ghaŵi ndi likondwa.

1 Mikoka 15:28

Viyo ŵaYisraele wose ŵanguto bokosi la phanganu la Ambuya ndi kukambura ndi kumba kwa mbata ndi malipenga, ndi vimbumbuli ndi ŵangumba ukongwa ndi ŵazeze ndi ŵabangwe.

1 Mikoka 9:2

Ndipo wakudanga kuja so mu vihara vyawo vya misumba yawo ŵenga ŵaYisraele, ŵazukuru, ŵaLevi, ndi ŵateŵeti ŵa kasopi.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Nehemiya 12:43

Ndipo ŵangupereka sembe zikuru zuŵa leniliya ndi ŵangukondwere, pakuti Chiuta wanguŵakondweska ndi likondwa likuru; ŵanthukazi ndi ŵana nawo ŵangukondwere. Ndipo likondwa la Yerusalemu linguvwika kutari ukongwa.

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

1 ŴaKaronga 8:62

Sono karonga, ndi ŵaYisraele wose pamoza nayo, ŵangupereka sembe paurongo pa Ambuya.

Danyele 5:13

Viyo Danyele wangutoreke paurongo pa karonga. Karonga wanguti kwaku Danyele, “Iwe ndiwe yo Danyele yumoza wa ŵamikoli ŵaku Yuda, mweniyo ada karonga ŵangutuwa nayo ku Yuda.

2 Mikoka 29:30

Hezekiya karonga, ndi mafumu ŵangulanguliya ŵaLevi kumba mathamiko ku Ambuya ndi mazu ghaku Davidi ndi ghaku Asafi muwona. Ŵangumba mathamiko ndi likondwa, ndipo ŵangusindama ndi ŵangusopa.

Nehemiya 12:27

Pa nyengo yakupaturiya linga la Yerusalemu ŵangupenja ŵaLevi mu malo ghawo ghose, kuŵatole ku Yerusalemu kuzachichita kapaturidu ka linea ndi likondwa ndi viwongu ndi kumba, ndi malipenga gha mkuŵa, ŵazeze ndi ŵakaligu.