Ezra 6:12 - Tonga Bible 1986

¹² Chiuta, yo wajariska zina lake kwenikuwa, waparghang'e ŵakaronga wose ndi ŵanthu wo ŵaŵikengeko janja lawo kung'anamuliya panyake mazu yagha, pamwenga kubwanganduwa nyumba iyi yaku Chiuta yo yemu Yerusalemu. Ine Dariusi ndaŵika dangu, lichitike kwambura kutondeka.”

Ezra 6:12 Referans Kwoze

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Machitidu gha Ŵakutumika 9:5

Saulo wanguti, “Mwe ayani, Ambuya?” Ndipo iyo wali, “Ine ndine Yesu mweniyo uŵemba iwe;

Obadiya 1:10

Chifukwa cha phuzu lako lo unguchitiya mbali wako Yakobe, soni zikukonge, ndipo ubayikeyenge limu.

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Sumu 5:10

Muŵapingizge kunanga kwawo, A Chiuta muŵawiske mu fundu za ŵeneko; chifukwa cha unandi wa mphurupuru zawo muŵataye kubwalo, pakuti ŵamugarukiyani imwe.

Estere 8:14

Viyo ŵakutumika ŵakalata wo ŵangukwera pa ŵakavalo ŵapusu wo ŵateŵetiyanga milimu ya karonga. Ŵanguruta mwaruŵi kwakuyana ndi langulu la karonga; ndipo dangu lo lingulembeka mu msumba ukuru Susa.

2 Mikoka 7:16

Chifukwa sono ndayisankha ndi kuyipatuwa nyumba yo mwakuti zina langu liŵenge mwaku yo muyanya; maso ghangu ndi mtima wangu vikaŵanga mwaku yo nyengo yose.

Marangu 16:2

Mukabayiyanga Ambuya Chiuta winu sembe ya mberere pamwenga ya ng'ombe pa malo ghenigho Ambuya akasankhanga ndi kudanapo zina lawo.

Ezra 6:13

Ndipo Tatenayi mumirizi waku sirgha la msinji, ndi Setarabozanayi, ndi ŵanyake, ŵanguchita ruŵi nge ndimo karonga Dariusi wanguŵalanguliya.

Ezra 6:14

Ndipo ŵara ŵa ŵaYuda ŵangusaniya mwaŵi mu kuchima kwaku Hagayi mchimi, ndi Zekariya mwana waku Ido. Wanguzenga, kuyana ndi dangu laku Chiuta waku Yisraele, ndipo ndi dangu laku Sirusi, ndi Dariusi, ndi Arataserese karonga waku Perese.

Ezra 7:15

ndi kupinga siliva ndi golide yo karonga ndi ŵaupu wake ŵapereka kwawanangwa kwaku Chiuta waku Yisraele yo malo ghake ghemu Yerusalemu;

Ezra 7:26

Yose yo warekenge kuchita dangu laku Chiuta wako ndi dangu la karonga weruzgike ruŵi ndi kususkika, pamwenga kususkikiya ku nyifwa, pamwenga kumudikiska, pamwenga kuphanga vyuma vyake, pamwenga kumumangiya mu nyumba ya magoŵa.”

Ezra 7:17

Ruŵi uguri ndi ndrama izi, ng'ombe, mberere, ndi ŵana ŵa mberere, pamoza ndi sembe zawo za vyakurgha ndi vyakumwa, ndipo ukazipereke pa chiguŵa cha nyumba yaku Chiuta yo yemu Yerusalemu.