Ezra 5:5 - Tonga Bible 1986

⁵ Kweni jiso laku Chiuta wawo lenga pa ŵara ŵaku Yuda, ndipo ŵamirizi yaŵa ŵengavi kuŵakanizga mpaka makani ghakafike kwaku Dariusi ndipo ŵavwe kwamuka kwake mu kalata.

Ezra 5:5 Referans Kwoze

Sumu 33:18

Awonani, jisu la Ambuya le pa ŵakumopa, paku ŵeniwo ŵagomezga mu chanju chawo chikuru,

Ezra 7:28

ndi wangurongo chanju chake chikuru paku ine paurongo pa karonga ndi ŵara ŵake ŵaupu, ndi paurongo pa ŵamirizi ŵanthazi wose ŵa karonga. Ine ndingulimba mtima chifukwa janja la Ambuya Chiuta wangu lenga pangu. Viyo ndingudana ŵara ŵaku Yisraele kuti ŵarutenge nani pamoza.

Ezra 7:6

Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

1 Petro 3:12

Pakuti maso gha Mbuya ghe pa ŵarunji, ndi makutu ghake ku niniziku lawo; kweni chisku cha Mbuya chimikana ndi ŵakuchita uheni.”

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Sumu 32:8

Ndikurunguchizgenge ndi kukusambizga nthowa yo utenere kwendamo; ndikupangenge fundu, jisu langu liŵengepaku iwe.

Ezra 8:22

Chifukwa ndenga ndi soni kupempha kutipaska ŵankhondo ndi ŵapakavalo kutivikiriya ku ŵarwani mu nthowa, tingumunene karonga kuti, “Janja laku Chiuta widu le paku wose wo ŵatumwanja, kuŵachitiya umampha, ndipo ukuru wake we ndi nthazi kwananga wose wo ŵatumujowo.”

ŴaFilipi 1:28

pakofyeka ndi kanthu kanyake ndi ŵamawongu wo cha. Ndipo ichi nchisimikizgu chakupasuka kwawo kweni kwaku imwe mbutaski, chenicho nacho chikutuwa kwaku Chiuta.

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”