Ezra 5:11 - Tonga Bible 1986

¹¹ Ndipo pakwamuka ŵanguti, ‘Te ŵanchitu ŵaku Chiuta wa kuchanya ndi wa charu chapasi. Tizenga so nyumba yo yinguzengeka virimika vinandi vyarutapo, yeniyo karonga mkuru waku Yisraele wanguzenga ndi kuyimarizga.

Ezra 5:11 Referans Kwoze

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

ŴaRoma 6:16

Asi muziŵa kuti kwaku mweniyo mujiperekako nge mbaŵanda kwachimvwiya, mwe ŵaŵanda kwaku yo mumvwiya, pamwenga ŵa mvwiyu ku urunji?

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

Machitidu gha Ŵakutumika 27:23

Chifukwa kungumiya kwangu usiku uno mungelo waku Chiuta, waku mweniyo ndiri, Mweniyo so nditeŵete,

Luka 12:8

“Ndipo ndikuneniyani, yose yo wangazomera ine paurongo pa ŵanthu, Mwana wa munthu nayo wamzomerenge iyo paurongo pa ŵangelo ŵaku Chiuta;

Mateyu 10:32

“Viyo yose yo wakazomeranga ine paurongo pa ŵanthu, nane so ndakumzomera paurongo pa Ada wo ŵakuchanya.

Yona 1:9

Ndipo wanguti kwaku iwo, “Ndine mu Hebere ndipo nditopa Ambuya, Chiuta wa kuchanya, yo wakwata nyanja ndi mtunda.”

Danyele 3:26

Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto.

Sumu 119:46

Malangulu ghinu ndikambenge ku ŵakaronga, ndipo kuti ndiŵenge wasoni cha.

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

1 ŴaKaronga 6:38

Ndipo mu chirimika cha chumi ndi chimoza mu mwezi wa Bulu, wo ndi mwezi wa chinkhonde ndi chitatu, nyumba yingumara muvigaŵa vyake vyose, ndipo kwakulingana ndi karongosoledu kake kose. Wanguyizenga virimika vinkhonde ndi viŵi.

Ezra 5:10

Tinguŵafumba so mazina ghawo kuti timuneniyeni imwe, kuti tighalembe mazina ghaku wo ŵenga ŵarongozgi ŵawo.

Sumu 136:26

Wongani Chiuta wakuchanya; chifukwa nchamuyaya chifundu chake.

Chiyambo 24:3

ndipo ndikakurapiskanga mu Ambuya, Chiuta wa kuchanya ndi wa charu chapasi, kuti ukamutoliyanga munthukazi mwana wangu mu ŵana ŵanthukazi ŵa ŵaKanani cha, ŵeniwo ine ndija mukati mwawo,

1 ŴaKaronga 9:10

Pa umari wa virimika machumi ghaŵi (20), mwaku vyo Solomoni wanguzengiyamo nyumba zo ziŵi, nyumba ya Ambuya ndi nyumba ya karonga,