Ezra 4:24 - Tonga Bible 1986

²⁴ Ndipo nyumba yaku Chiuta yo yenga mu Yerusalemu yingurekeka; ŵangureka mpaka chirimika cha chiŵi cha muwusu waku Dariusi karonga waku Perese.

Ezra 4:24 Referans Kwoze

Hagayi 1:15

pa zuŵa la machumi ghaŵi, pachanya ghanayi (24) la mwezi, mu mwezi wa chinkhonde ndi chimoza.

Jobu 20:5

Kuti kujitukumuwa kwa munthu muheni nkhufupi mu charu, ndi likondwa la munthu wambura kuziŵa Chiuta nda kanyengo kafupivi?

Nehemiya 6:9

Pakuti wose ŵakhumbanga kutofya ifwe ŵakughanaghana kuti, “Manja ghawo ghakajowonga nchitu yo, ndipo kuti yikachitikanga so cha.” Kweni sono, A Chiuta, mulimbiske manja ghangu.

Nehemiya 6:3

Ndipo ndingutuma nthumi kwaku wo, ndinguti, “Ndichita nchitu yikuru kuti ndingasikiya ko cha, chifukwa nchine chakuti ndijowo nchitu ndi kuza kwaku imwe?”

Ezra 6:1

Ndipo Dariusi wangukamba, ndipo mu vyaru vyose vyaku Babiloni ŵangusanda mu zinyumba mo ŵakalata ŵasungikanga.

Ezra 5:5

Kweni jiso laku Chiuta wawo lenga pa ŵara ŵaku Yuda, ndipo ŵamirizi yaŵa ŵengavi kuŵakanizga mpaka makani ghakafike kwaku Dariusi ndipo ŵavwe kwamuka kwake mu kalata.

1 ŴaTesalonika 2:18

chifukwa chenichi tingukhumbiska kuza so kwinu, ine nda Paulo, kaŵikaŵi; kweni Satana wangutitangwamiska.

Ezra 4:23

Wanguti waŵerengeka kalata wa karonga Arataserese paurongo paku Rehumu ndi Simisayi ndi ŵanyawo, ruŵi ŵanguruta ku Yerusalemu ku ŵaYuda kuŵarekeska ndi janja la nthazi.

Ezra 5:1

Ndipo ŵamchimi, Hagayi, ndi Zekariya mwana waku Ido, ŵanguchima ku ŵaYuda ŵamu Yuda ndi Yerusalemu mu zina laku Chiuta waku Yisraele yo wenga pachanya pawo.

Ezra 6:14

Ndipo ŵara ŵa ŵaYuda ŵangusaniya mwaŵi mu kuchima kwaku Hagayi mchimi, ndi Zekariya mwana waku Ido. Wanguzenga, kuyana ndi dangu laku Chiuta waku Yisraele, ndipo ndi dangu laku Sirusi, ndi Dariusi, ndi Arataserese karonga waku Perese.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Hagayi 2:15

Rombani sono, ndi ghanaghanani ndicho chazamuŵako kutuwa zuŵa ili mpaka ku nthazi, mwa wenga undaŵikike pa mwa unyake mu kasopi wa Ambuya.

Zekariya 1:1

Mu mwezi wa chinkhonde ndi chitatu, mu chirimika cha chiŵi chaku Dariusi, mazu gha Ambuya ghanguza kwaku Zekariya, mwana waku Berekiya, mwana waku Ido, mchimi, kuti,

Ezra 3:8

Mu chirimika cha chiŵi cha kuza kwawo ku nyumba yaku Chiuta ku Yerusalemu, mu mwezi wa chiŵi, Zerubabele mwana waku Sealatiele ndi Yeshua mwana waku Yozadaka, ndi ŵanyawo ŵanyake, ŵazukuru ndi ŵaLevi, ŵangwamba nchitu pamoza ndi wose wo ŵangutuwa ku uŵanda, kuza ku Yerusalemu. Wangumika ŵaLevi ŵa virimika kuruska machumi ghaŵi kuti ŵachiskenge nchitu ya nyumba ya Ambuya.

Ezra 4:5

Ŵangukumba ŵapangi-fundu, kuti ŵasuskani nawo ndi kuŵatimbanizga mu nchitu yawo mu mazuŵa ghose ghaku Sirusi karonga waku Perese, mpaka ku muwusu waku Dariusi karonga waku Perese.

Ezra 6:15

Ndipo nyumba iyi yingumara pa zuŵa la chitatu la mwezi Adara, ndicho chenga chirimika cha chinkhonde ndi chimoza cha muwusu wa karonga Dariusi.

Danyele 11:2

“Ndipo sono ndikurongonge uneneska. Ehe, ŵakaronga ŵanyake ŵatatu ŵayukenge mu Perese; ndipo wachinayi waŵenge msambasi ukongwa kuruska wose, ndipo watakuti waŵa ndi nthazi ndi usambasi wake, wayuskenge wose kurimbana ndi ufumu wa ŵaGirisi.

Hagayi 2:18

Ghanaghanani kwamba zuŵa ili mpaka ku nthazi; kwamba zuŵa la machumi ghaŵi pachanya ghanayi (24) la mwezi wachinkhonde ndi chinayi. Kutuwa zuŵa lo chiŵanja cha kasopi wa Ambuya chinguzengeke, ghanaghanani.