Ezra 4:15 - Tonga Bible 1986

¹⁵ Sono lisandike buku la makani ghakale gha ŵambuyamwe. Mu buku la makani musaniyenge ndi kuwamo nadi kuti muzi uwu ngwachigaruka, wachitiya uheni ŵakaronga ndi vyaru, ndi kuti chigaruka chikuyuskikamo ndi kale. Chifukwa ichi ungupasulika.

Ezra 4:15 Referans Kwoze

Ezra 4:12

Kuziŵike ku karonga kuti ŵaYuda, wo ŵangutuwa ko kwinu kuza kwaku ifwe kunu ŵakuruta ku Yerusalemu. Ŵazenga so msumba uwa wachigaruka ndi wa uheni; ŵamalizga malinga ndi kunozga so viŵanja.

Nehemiya 6:6

Mu kalata mungulembeka mazu yagha, “Kwavwika mu ŵa mitundu, ndipo Gesheme nayo wakamba ghenigho, kuti iwe ndi ŵaYuda mukhumba kugaluka; ndicho chifukwa mumangiya linga; ndipo iwe ukhumba kuŵa karonga wawo; kwakulingana ndi kakambidu ko.

Nehemiya 2:19

Kweni penipo Sanbalata mwina Horono, ndi Tobiya mteŵeti mwina Amoni, ndi Geshemu muArabu ŵanguti ŵachivwa, ŵangutiseka ndi ŵangutiyeya ndi ŵanguti, “Nchinthu uli ichi cho muchita? Kumbi mugalukiya karonga?”

2 ŴaKaronga 25:4

Sono ŵanguswa linga, karonga yo ndi ŵanthu wose ŵankhondo ŵanguthaŵa ndi usiku munthowa yakuya ku likomo la pakati pa malinga ghaŵi, kudumuwa pa munda wakaronga, chingana ŵaKaldiya ŵanguzingirikizga msumba wo, ndipo ŵangulazga ku Araba.

2 ŴaKaronga 24:20

Pakuti chifukwa cha ukari wawo chingufiskika ichi mu Yerusalemu ndi Yuda Ambuya anguŵadikiska pa maso ghawo. Ndipo Zedekiya wangugaruka ku karonga wa Babiloni.

Ezra 4:14

Sono ifwe ŵakurgha vya ukaronga kuti kutenere cha kuwona myuyu wa karonga; pa chifukwa ichi tatuma ndi kuziŵiska imwe a karonga.

Ezra 4:16

Ifwe tiziŵiska karonga kuti asani muzi uwu uzengekenge so, ndi malinga ghake nagho ghazengekenge, imwe muŵengevi muwusu mu charu cha sirgha la msinji.”

Estere 2:23

Wanguti wafumbiriya mlando uwu kungusanirika kuti kwenga viyo ndipo wose ŵaŵi ŵangupayikika pa muti. Ndipo chingulembeka mu Buku la Mikoka paurongo pa karonga.