Ezra 4:12 - Tonga Bible 1986

¹² Kuziŵike ku karonga kuti ŵaYuda, wo ŵangutuwa ko kwinu kuza kwaku ifwe kunu ŵakuruta ku Yerusalemu. Ŵazenga so msumba uwa wachigaruka ndi wa uheni; ŵamalizga malinga ndi kunozga so viŵanja.

Ezra 4:12 Referans Kwoze

Ezra 5:9

Ndipo tinguŵafumba ŵara ŵawo kuti, ‘Wamulanguliyani njani kuzenga nyumba iyi, ndi kumara viliŵa ivi?’

Ezra 5:3

Pa nyengo yo kunguŵaziya tatenayi mumirizi wa chigaŵa cha sirgha la msinji, ndi Setarabozenayi ndi ŵanyawo. Wangukamba kuti, “Kumbi ndiyani yo wamulanguliyani kuzenga nyumba iyi ndi kumara chiliŵa ichi?”

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.

1 ŴaTesalonika 5:22

mujipatuweko ku kawonekedu kose kaheni.

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

Luka 13:34

Yerusalemu, Yerusalemu, wakubaya ŵamchimi wo, ndi wakupong'a mya wo ŵatumika kwako! Karinga ndingukhumba kuwungang'a pamoza ŵana ŵako, nge ndimo nyakhutu wachitiya ŵana ŵake kusi ku mapapiku ghake, ndipo kuti mungukhumba cha.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Yeremiya 52:3

Kwakunenenska chifukwa cha kukwiya kwa Ambuya vinthu vyenga viheni mu Yerusalemu ndi Yuda, pakuti wanguŵadikiskapo pa maso ghake. Zedekiya wangugarukiya karonga wa Babiloni.

Nehemiya 1:3

Ndipo iwo ŵanguti kwaku ine, “Wo ŵachalipo ŵamoyo mu charu chiya wo ŵanguthaŵa kuyoleke ku umkoli ŵemu suzgu yikuru ndi chilengesku; linga la Yerusalemu likugumukiya pasi, ndipo malikomo ghake ghakufya ndi moto.”

Ezra 4:19

Ndingulangula, ndipo kupenjapenja kunguchitika. Kwasanirika kuti muzi wo kale unguyukiya ŵakaronga, ndi kuti chigaruka ndi chiyaghaya vinguchitika mwenimo.

Ezra 4:15

Sono lisandike buku la makani ghakale gha ŵambuyamwe. Mu buku la makani musaniyenge ndi kuwamo nadi kuti muzi uwu ngwachigaruka, wachitiya uheni ŵakaronga ndi vyaru, ndi kuti chigaruka chikuyuskikamo ndi kale. Chifukwa ichi ungupasulika.

2 ŴaKaronga 24:1

Mu mazuŵa ghake Nebukadanezara karonga waku Babiloni wangukweriyako, ndipo Yehoyakimu wanguŵa mteŵeti wake virimika vitatu, ndipo wanagung'anamukako ndi kumugarukiya.

2 ŴaKaronga 18:20

Kumbi ughanaghana kuti mazu ghawaka ndigho nchenjezgu ndi nthazi ya nkhondo? Kumbi mphaku yani po wayegeme chovyo po wandigarukiya ine?

Ezra 4:11

Kalata yo ŵangulemba kwaku Arataserese wenga wakuti, “Ŵateŵeti ŵinu ŵamu charu chaku sirgha liya la msinji ŵatumtawuzgani.

Estere 3:8

Ndipo Hamani wanguti ku karonga Ahaswerusi, “Uliko mtundu unyake wa ŵanthu ŵakuparangikiya ku bwalo kwa charu ndi wakuchapariya mukati mu ŵanthu mu vigaŵa vya ufumu winu, ndipo marangu ghawo ghapambana ndi gha ŵanthu wose chingana nkhuti ŵasunga marangu gha karonga cha, viyo chitumwanduliya kanthu cha karonga kuti walereskepo ŵaka.

Danyele 3:8

Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda.

Nehemiya 6:6

Mu kalata mungulembeka mazu yagha, “Kwavwika mu ŵa mitundu, ndipo Gesheme nayo wakamba ghenigho, kuti iwe ndi ŵaYuda mukhumba kugaluka; ndicho chifukwa mumangiya linga; ndipo iwe ukhumba kuŵa karonga wawo; kwakulingana ndi kakambidu ko.