Ezra 10:9 - Tonga Bible 1986

⁹ Ndipo wose ŵaku Yuda ndi ŵaku Benjamini ŵanguwungana ku Yerusalemu mu mazuŵa ghatatu; wenga mwezi wa chinkhonde ndi chinayi, zuŵa la machumi ghaŵi la mwezi. Ŵanthu wose ŵanguja pasi mu bwalo paurongo pa nyumba yaku Chiuta ŵakumbwambwantha chifukwa cha mlando wo, ndi chifukwa cha vuwa yikuru.

Ezra 10:9 Referans Kwoze

Yeremiya 10:13

Ŵachituzga mazu ghake maji ghachita chiwawa kuchanya, ndipo wakwezga nyankhuŵinda ku vigoti vya charu chapasi. Malimphezi ghachiska vuwa, ndipo watuzga mphepo mu mbiku zake.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Estere 2:16

Ndipo wati watoreke ku karonga Ahaswerusi mu nyumba ya ufumu mu mwezi wa chumi wo ndi Tebeti mu chirimika cha chinkhonde ndi chiŵi cha muwusu wake;

Ezra 9:4

Ndipo wose wo ŵangopa mazu ghaku Chiuta waku Yisraele chifukwa cha kunanga kwaku wo ŵanguwe ku umkoli ŵanguwungana kwaku ine po ndinguja pasi wambura nthazi mpaka pa sembe ya mazulo.

Ezra 10:3

Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

Ezra 10:8

ndi kuti yo warekenge kufika mu mazuŵa ghatatu kwakuyana ndi fundu ya nduna ndi ŵaraŵara, vyuma vyose viphangike, iyo mweneko watuzgikeko ku wumba waku wo ŵakuweko ku umkoli.

Ezra 10:10

Ndipo Ezra mzukuru wanguma wanguti, “Imwe mwananga pakujitore ŵanthukazi ŵachilendo, mwakuzga kunanga kwaku Yisraele.

Yeremiya 36:22

Wenga mwezi wa chinkhonde ndi chinayi, karonga wanguja mu nyumba ya chipwepwe mo mwenga moto wakolenga mu chiyaŵi cha mkuŵa paurongo pake.