Ezra 10:18 - Tonga Bible 1986

¹⁸ Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

Ezra 10:18 Referans Kwoze

Zekariya 3:1

Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe.

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

1 Timote 3:11

Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose.

Ezekiele 44:22

Ŵangatonga choko cha, pamwenga munthukazi wakupatika, kweni mwali pe yo ngwa mphapu ya nyumba yaku Yisraele, pamwenga choko cho ncha mzukuru.

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yeremiya 23:11

“Mchimi ndi mzukuru ŵaŵi viyo ŵakana Chiuta; chingana ndi mu nyumba yangu ndasaniya utimbanizi wawo, atiti Ambuya.

Nehemiya 13:28

Ndipo yumoza wa ŵana ŵanthurumi ŵaku Yehoiyada mwana waku Eliyashibu mzukuru mura wenga mukosanu waku Sanabalata mwina Horono; chifukwa ndingumudikiska kwangu.

Nehemiya 12:10

Ndipo Yeshua wenga wiske waku Yoiyakimu, Yoiyakimu wiske waku Eliyashibu, Eliyashibu wiske waku Yoiyada,

Nehemiya 8:7

Ndipo Yeshua, Bani, Sherebiya, Jamini, Akubu, Shabatai, Hodiya, Maseya, Kelita, Azariya, Yozabadi, Hanani, Pelaya, ŵaLevi, ŵangovya ŵanthu kuwamo dangu, penipo ŵenga ŵeche mu malo ghawo.

Nehemiya 8:4

Ezra mlembi yo wanguma pa chiguŵa cha miti cho ŵangulongosore mlimu wenuwu, ndipo pamoza nayo panguma Matatiya, Shema, Anaiya, Uriya, Hilkiya, ndi Maseya ku janja lake lakurghiya, ndi Pedaya, Mishaele, Malkiya, Hashumu, Hashabadani, Zekariya, ndi Meshulama ku janja lake la maze.

Ezra 9:1

Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.

ŴaLevi 21:7

Kuti watonge munthukazi mureŵi cha, pamwenga munthukazi yo wakukazuzgika cha; chingana nkhuti munthukazi yo wakupatika ndi murumi wake nako cha; pakuti mzukuru ngwakupaturika kwaku Chiuta wake.

Ezra 9:2

Chifukwa ŵato ŵanyake ŵa ŵana ŵanthukazi kuŵa ŵawoli ŵawo, ndi ŵawoli ŵa ŵana ŵawo ŵanthurumi: viyo mtundu wakupaturika watimbanizgika ndi ŵeneko ŵacharu, ndipo janja la ŵaraŵara ndi zinduna ndilo lakuwa mu kunanga uku.”

Ezra 10:17

Ndipo ŵangumara mlando wakujitole ŵanthukazi ŵa chilendo pa zuŵa lakudanga la mwezi wakudanga.

Hagayi 1:12

Viyo Zerubabele mwana waku Shealtiele, ndi Yoswa mwana waku Yehozadaka, mzukuru mura, ndi ŵanthu wose wo ŵangujaliya vuli, ŵanguvwiya mazu gha Ambuya Chiuta wawo, ndi mazu ghaku Hagayi mchimi, nge ndimo Ambuya Chiuta wawo wangumutumiya; ndipo ŵanthu ŵangopa pa maso pa Ambuya.

Hagayi 2:4

Kweni sono khwima Zerubabele, atiti Ambuya, khwima Yoswa mwana waku Yehozadaki mzukuru mura, khwimani mose mwa mu charu, atiti Ambuya; takatakani chifukwa nde namwe, atiti Ambuya ŵa maŵanja,

Zekariya 6:11

Utoko kwaku iwo siliva ndi golide, uchite mphumphu ndi uyiŵike pa mutu waku Yoswa, mwana waku Yehozadaki, mzukuru mura;

Ezra 2:36

Ŵazukuru: ŴaYedaya, ŵa ŵina Yeshua, machumi pe chumi ghankhonde ndi ghanayi ndi machumi ghankhonde ndi ghaŵi, pachanya ŵatatu (973).

Ezra 3:8

Mu chirimika cha chiŵi cha kuza kwawo ku nyumba yaku Chiuta ku Yerusalemu, mu mwezi wa chiŵi, Zerubabele mwana waku Sealatiele ndi Yeshua mwana waku Yozadaka, ndi ŵanyawo ŵanyake, ŵazukuru ndi ŵaLevi, ŵangwamba nchitu pamoza ndi wose wo ŵangutuwa ku uŵanda, kuza ku Yerusalemu. Wangumika ŵaLevi ŵa virimika kuruska machumi ghaŵi kuti ŵachiskenge nchitu ya nyumba ya Ambuya.

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.