Ezra 10:14 - Tonga Bible 1986

¹⁴ Ŵamirizi ŵidu wose ŵamiriye wumba wose; ndipo mu mizi yidu, yose wo ŵanguto ŵanthukazi ŵa chilendo ŵazi pa nyengo yakutemeka, pamoza ndi ŵaraŵara, ndi ŵeruzgi ŵa msumba we wose; mpaka utuwe kwaku ifwe ukari wakofya waku Chiuta chifukwa cha mlando uwu.”

Ezra 10:14 Referans Kwoze

2 Mikoka 30:8

Sono mureke kungangamiska mitima yinu nge ndimo auskemwe ŵanguŵiya, kweni mujipereke ku Ambuya, ndi muzi ku malo ghawo ghakupaturika, ghenigho aghapatuliskiya ku nchitu yawo kwa muyaya, ndi muŵateŵete Ambuya Chiuta winu, mwakuti ukari wawo wakofya utuweko kwaku imwe.

2 Mikoka 29:10

Sono ichi che mu mtima wangu kuchita phanganu ndi Ambuya, Chiuta, waku Yisraele, kuti ukari wake wakofya utuwepo paku ifwe.

Maŵerengedu 25:4

Ambuya angunena ndi Mosese, “Uto mafumu ghose gha ŵanthu, uŵapayike pa mtandasanya pa maso pa Ambuya, mwakuti ukari wakofya wa Ambuya utuweko kwaku Yisraele.”

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Yoswa 7:26

Ndipo ŵanguwunjikapo chimuru chikuru cha mya cho chichalipo mpaka zuŵa lino; sono Ambuya anguweko ku ukari wawo. Mu chifukwa ichi zina la malo gha lidanika Dambo la Akoro mpaka kunu ku sono.

Marangu 17:9

Muze ku ŵazukuru ŵaLevi, ndi kumweruzgi yo wepa nchitu ya weruzgi mu mazuŵa ghenigho. Mukafumbiriyanga kwaku iwo, ndipo ŵakakuneniyaninga kuti kasuskidu ndi yaka.

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,

2 ŴaKaronga 23:26

Ndipuuli Ambuya ŵengavi kutuwako mbwenu ku ufyu wa ukari wawo ukuru weniwo angukaraliya paku Yuda chifukwa cha kukaripiskika kose ko Manase wanguŵakaripiska nako.

2 Mikoka 28:11

Sono mundivwe, muŵawezge kwawo ŵamikoli wo mwako kutuwa ku ŵabali ŵinu chifukwa ukari wakofya wa Ambuya we paku imwe.”

Ezra 10:13

Kweni ŵanthu mbanandi ndipo ndi nyengo ya vuwa yinanditilivi nthazi kuma ku bwalo. Ndipo so mlimu uwu, kuti ngwa zuŵa limoza pamwenga ngaŵi cha chifukwa tananga ukongwa mu chinthu ichi.

Ezra 10:15

Kweni Yonafani mwana waku Ashele ndi Yahazeya mwana waku Tikiva ndiwo pe ŵangususka fundu iyi; ndipo Mesulama ndi Sebatayi muLevi ŵanguyirumba.