Ezra 10:1 - Tonga Bible 1986

¹ Po Ezra wanguromba ndi kuzomera uheni, kuliya ndi kuwa pasi paurongo pa myumba yaku Chiuta, unguwungana kwaku iyo mzinda ukuru wa ŵanthurumi ndi ŵanthukazi ndi ŵana chifukwa ŵanthu ŵanguliya ukongwa.

Ezra 10:1 Referans Kwoze

Danyele 9:20

Ndeche kukamba ndi kuromba, kusumuwa ubudi wangu ndi ubudi wa ŵanthu ŵangu ŵaYisraele, ndi kupereka kuŵeyere kwangu paurongo pa Ambuya Chiuta wangu chifukwa cha phiri lakupaturika laku Chiuta wangu;

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

ŴaRoma 9:2

kuti nde nacho chitima chikuru ndi urwirwi wambura kulekezga mu mtima wangu.

1 ŴaKaronga 8:30

Ndipo tegherezgani ku kuŵeyere kwa muŵanda winu ndi khamu linu Yisraele, wachiromba mu malo yagha, inya, muvwe imwe kuchanya malo gha uja winu, ndipo muchivwa, mugowoke.

Luka 19:41

Ndipo pakuŵandika, wati wawona msumba wo, wanguliriya pake,

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Nehemiya 10:28

Ŵanthu wose ŵanyake, ŵazukuru ŵaLevi, ŵasungi malikomo, ŵakumba, ŵateŵeti ŵa kasopi, ndi wose ŵeniwo ŵajipatuwako ŵeneko ku ŵanthu ŵa charu cho kuza ku dangu laku Chiuta, ŵawoli ŵawo, ŵana ŵawo ŵanthurumi, ŵana ŵawo ŵanthukazi, wose ŵeniwo ŵendi zeru ndi kuwamo,

2 Mikoka 20:9

‘Asani uheni watiwiya, pamwenga lipanga, pamwenga cheruzgu, pamwenga nthenda, pamwenga chilara, ifwe timenge paurongo pa nyumba iyi ndi paurongo pinu, pakuti zina linu lemu nyumba iyi, ndi kuririya kwaku Imwe musuzgu yidu, ndipo Imwe mutivwenge ndi kutitaska.’

Hoseya 14:2

Uwere kwa Ambuya, uze ndi mazu ukambe kwaku iwo ghakuti; “Mutuzgeko ubendezi wose; muzomerezge cho nchamampha, ndipo tiperekenge vipasi vya milomo yidu.

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

1 ŴaKaronga 9:3

Ndipo Ambuya anguti kwaku iyo, “Ndavwa rombu lako ndi kuŵeyere kwako, ko wachita paurongo pangu; ndayituŵiska nyumba yo wazenga, ndipo ndaŵika zina langu mwenimo muyaya, maso ghangu ndi mtima wangu vikaŵanga mwenimo nyengo yose.

Machitidu gha Ŵakutumika 21:5

Kweni penipo tingujako mazuŵa, tingutuwako ndi tinguruta; ndipo wo wose, pamoza ndi ŵawoli ŵawo ndi ŵana, ŵangutiperekezga mpaka kubwaro ku msumba: ndipo pakugwada pa likumba, tinguromba, ndi kurayirana.

Machitidu gha Ŵakutumika 10:30

Ndipo Kornelio wanguti, “Ghandakepo mazuŵa ghanayi, po ora lenilino, ndarombanga mu nyumba yangu maniniziku ghamazulo; ndipo, wonani, munthu mu kavwaridu kakuŵala wanguma paurongo pangu,

2 Mikoka 20:13

Ndipo Yuda yose wanguma paurongo paku Chiuta, ndi ŵamjedu ŵawo, ndi ŵawoli ŵawo, ndi ŵana ŵawo.

Marangu 31:12

Muŵawungangenge pamoza ŵanthu, ŵanthurumi, ŵanthukazi, ndi ŵanamana, ndi mlendo wamu mizi yinu, alinga kuti ŵavwenge ndi kusambira kopa Ambuya Chiuta winu. Ŵaphwere kusunga mazu ghose gha dangu ili,

Mateyu 3:6

ndipo ŵabatizikanga ndi iyo mu msinji Yordane, ŵakusumuwa vyakulakwa vyawo.

Ezra 10:6

Ndipo Ezra wangusoka paurongo pa nyumba yaku Chiuta, wangusere mu chipinda cha nyumba yaku Yohanana mwana waku Eliasibi. Wangujamo kwambura kurgha ndi kumwa chifukwa wanguriliya kunanga kwaku wo ŵanguwe ku umkoli.

Nehemiya 1:4

Ndinguti ndavwa mazu yagha ndinguja ndi ndinguliya, ndipo ndingutenje mazuŵa ghanandi; ndipo ndingulutiriya kufunga ndi kuromba paurongo paku Chiuta wa kuchanya.

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Yoswa 8:35

Pengavi mazu ghakukambika ndi Mosese gho ghengavi kuŵerengeka ndi Yoswa paurongo pa mzinda wose wa ŵaYisraele, ŵanthukazi, ŵana ndi ŵalendo wo ŵajanga mukati mwawo.