Ezra 1:5 - Tonga Bible 1986

⁵ Ndipo ŵangusoka ŵaraŵara ŵa mafuku gha ŵaYuda, ndi ŵaBenjamini, ndi ŵazukuru ndi ŵaLevi, ndi wose wo ŵangurongozgeka ndi Chiuta kuruta kwachizenga so nyumba yaku Chiuta mu Yerusalemu.

Ezra 1:5 Referans Kwoze

Ezra 1:1

Mu chirimika chakudanga chaku Sirusi karonga waku Perese, Ambuya angutuma Sirusi karonga waku Perese kuti wawandiske uthenga mu ufumu wake wose ndi kuti waulembe, mwakuti mazu gha Ambuya gho Yeremiya wangunena ghafiskike.

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

2 ŴaKorinte 8:16

Kweni wawongeke Chiuta, yo waŵikamu mtima waku Tito linweka lenilo pe lapa chifwa chaku imwe.

Nehemiya 2:12

Sono ndingusoka ndi usiku, ine pamoza ndi ŵanthurumi ŵamanavi, ndipo ndengavi kuneniyapo yumoza cho Chiuta wangu wanguŵika mu mtima wangu kwachichitiya Yerusalemu. Pengavi chinyama chinyake pamoza nane kweni cho ndingukwelapo pe.

2 Mikoka 36:22

Mu chirimika chakudanga chaku Sirusi karonga waku Perese, mwakuti mazu ghaku Chiuta mu mlomo waku Yeremiya ghafiskike, Chiuta wanguyuska mzimu waku Sirusi karonga waku Perese kuti wawandiske mazu mu ufumu wake wose, ndipo wangughalemba, wanguti,

3 Yohane 1:11

Wakwanjiwa we, ungezganga cha cho nchiheni, kwani cho nchamampha. Yo ngwakuchita umampha ngwa kwaku Chiuta: yo ngwakuchita uheni walive kumuona Chiuta.

Nthanthi 16:1

Vyakulongoso vya muwongu vya munthu, kweni kwamuka kwa lilime kutuwa ku Ambuya.

Ezra 1:2

“Viyo wanguti, Ine Sirusi karonga waku Perese ndititi, Maufumu ghose ghamu charu chapasi Ambuya Chiuta wa kuchanya wakundipaska. Sono wandinene kuti ndimuzenge nyumba mu Yerusalemu waku Yuda.

Ezra 1:4

we yose yo wajako, ŵazengezgani ŵake ŵamovye pakumupaska siliva ndi golide, ndi vyuma ndi vyakuŵeta, pamoza ndi vyawanangwa vyakupereka ku nyumba yaku Chiuta yo yemu Yerusalemu.”

Hagayi 1:14

Ndipo Ambuya anguyuska mzimu waku Zerubabele mwana waku Shealtiele, nduna yikuru ya charu cha Yuda, ndi mzimu waku Yoswa mwana waku Yehozadaki mzukuru mura ndi mzimu wa ŵanthu wose ŵakujaliya vuli; ndipo ŵanguza ndi ŵangutakataka pa nyumba ya Ambuya ŵa maŵanja,