Panguŵa nkhondo nyengo yitali pakati pa nyumba yaku Sauli ndi nyumba yaku Davidi; ndipo Davidi wakuwanga-kuwanga mu nthazi, po nyumba yaku Sauli yatomborokangatomborokanga.
Pa nyengo yo ndimarizgenge wose wo ŵatikusuzga. Nditaskenge ŵakuganthiya, ndi kuwunjika ŵakudikiskika, ndipo nding'anamuwenge soni zawo kuŵa marumbu ndi mbiri mu charu chose chapasi.
Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.
Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.
Ndipo thenthe lake linguwanda mu Siriya yose, ndipo ŵangumtole wose ŵakutama ŵakukoreka ndi nthenda zamitundumitundu ndi maurwirwi, ŵademone ndi ŵakufuntha ndi ŵavinjenje; ndipo wose wanguŵachizga.
Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.
Ndipo nchitu zose za nthazi yake ndi mazaza ghake, ndi kutalika kwa mtufu waku Mordikayi wo karonga wangumkwezga nawo, kuti vyalembeka cha mu Buku la Mikoka ya Mafumu gha Media ndi Perese?
Ndipo Ambuya anguchita wezi ku ŵanthu pa maso gha ŵaEgipiti. Ndipo so, Mosese wenga wakuzirwa ukongwa mu charu cha Egipiti, pa maso gha ŵaŵanda ŵaku Farao ndi pa maso gha ŵanthu.