Estere 9:21 - Tonga Bible 1986

²¹ kuŵalanguliya ichi kuti ŵasungengi zuŵa la chumi ndi ghanayi la mwezi Adara ndi la chumi ndi ghankhonde lake, chirimika ndi chirimika,

Estere 9:21 Referans Kwoze

Estere 9:17

Cho chenga pa zuŵa la chumi, ndi ghatatu la mwezi Adara, ndipo pa zuŵa la chumi ndi ghanayi ŵangupumuwa, ŵangulichita kuŵa zuŵa la dghera ndi la likondwa.

Estere 9:18

Kweni ŵaYuda ŵamu Susa ŵanguwungana pa zuŵa la chumi ndi ghatatu ndi la chumi ndi ghanayi, ŵangupumuwa pa la chumi ndi ghankhonde kuŵa zuŵa la dghera ndi likondwa.

Estere 9:20

Ndipo Mordikayi wangulemba vinthu ivi ndi kutuma ŵakalata ku ŵaYuda wose ŵamu vyaru vyose vya karonga Ahaswerusi, ŵapafupi ndi ŵakutali;

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Estere 9:27

ŵaYuda ŵangumika ichi, ŵangujilapizga ŵija ndi mphapu yawo ndi wose wo ŵangujibatika kwaku iwo, mwakuti chireke kutondeka, ŵatenere kusunga mazuŵa yagha ghaŵi kwakulingana ndi cho chalembeka, ndi kwakulingana ndi nyengo yawo ya kutemeka, chirimika ndi chirimika;

Estere 9:29

Viyo Estere fumukazi, mwana waku Abihayeli, ndi Mordikayi mu Yuda, wangulemba ndi mtufu wose kukhozga kalata uyu wachiŵi wa Purimu.

Ezra 6:15

Ndipo nyumba iyi yingumara pa zuŵa la chitatu la mwezi Adara, ndicho chenga chirimika cha chinkhonde ndi chimoza cha muwusu wa karonga Dariusi.

Estere 3:7

Mu mwezi wakudanga, wo ndi mwezi wa Nisani, chirimika cha chumi ndi viŵi cha karonga Ahaswerusi, ŵanguwombeza Puri (uwu ndi ula.) Zuŵa ndi zuŵa, maso ghaku Hamani ndiso mwezi ndi mwezi mpaka mwezi wa chumi ndi yiŵi, mwezi wa Adara.