Estere 8:5 - Tonga Bible 1986

⁵ viyo Estere wangusoka wanguma paurongo pa karonga ndi wanguti, “Asani nchakukondweska karonga, ndi asani ndasaniya wezi paurongo pake, ndipo chinthu cho chiwonekenge kuti nchakunyoroka paurongo pake, ndi kuti ine nane nditumkondweska, kulembeke mazu ghakususka mazu ghakupangizgika ndi Hamani mu Agagi mwana waku Hamedata, gho wangulemba kuti ŵaYuda ŵamu vyaru vyose ŵabayike.

Estere 8:5 Referans Kwoze

Estere 7:3

Ndipo fumukazi Estere wanguwamuka wanguti, “Asani ndasaniya wezi mu maso ghino, imwe karonga, ndipo asani chakondweska karonga, umoyo wangu upaskike kwangu ndi ŵanthu ŵangu paku cho ndipempha.

Estere 5:8

Asani ndasaniya wezi pa maso pa karonga, asani chikondweskenge karonga kundipaska cho ndirombenge ndi kufiska khumbu langu, wazenge karonga ndi Hamani ku dghera lo ndiŵalongosoriyenge, ndichitenge la mawa nge ndimo karonga wakambiyenge.”

Estere 2:17

ndipo karonga wangumwanja Estere kuruska ŵanthukazi wose, ndipo wangusaniya wezi ndi ulemu mu maso ghake kuruska ŵanyake, viyo wangumvwarika mphumphu ya ufumukazi pa mutu wake ndi kumuŵika fumukazi mu malo ghaku Vashite.

Estere 2:4

Ndipo mwali yo wakondweskenge karonga ndiyo waŵenge fumukazi mu malo ghaku Vashite.” Iyi fundu yingukondweska karonga ndipo wanguchita viyo.

1 Samuele 20:29

wanguti, ‘Ndizomerezgeni ndirute; pakuti mbumba yangu ye ndi sembe ku muzi, ndipo mubali wangu wandilanguliya kuŵapo, viyo asani ndingasaniya lisungu mu maso ghinu ndizomerezgeni ndirute, ndikaŵawone ŵabali ŵangu.’ Pa chifukwa ichi watondeka kuza ku gome la karonga.”

Chituwa 33:16

Pakuti kukaziŵikanga uli kuti ine ndasaniya wezi mu maso ghinu, ine ndi ŵanthu ŵinu? Si nchifukwa chakuruta nafwe pamoza imwe, kuti tiziŵikadi, ine ndi ŵanthu ŵinu, kuti tipambana nawo ŵanthu wose ŵanyake wo ŵe pa charu chapasi?”

Chituwa 33:13

Sono chifukwa chenichi, nditukupemphani, asani ndasaniya wezi mu maso ghinu, ndilongoni nthowa zinu, alinga ndikuziŵeninge ndi kusaniya wezi mu maso ghinu. Ghanaghananipo so kuti khamu ili mbanthu ŵinu.”

Estere 3:1

Pavuli pa vinthu ivi karonga Ahaswerusi wangumtumphuwa Hamani mwana waku Hamedata mu Agagi, wanguŵika chitengo chake pachanya pa vitengo vya ŵakaronga wose wo wenga nawo.