Estere 7:9 - Tonga Bible 1986

⁹ Ndipo Harbona yumoza wa ŵateŵeti ŵakaronga, wanguti, “Awonani muti wo msinkhu wake we mikono machumi ghankhonde, wo Hamani wanguchitiya Mordikayi yo mazu ghake ghangupozomoska karonga, wemu nyumba yaku Hamani.”

Estere 7:9 Referans Kwoze

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.

Estere 1:10

Pa zuŵa la chinkhonde ndi chiŵi, po mtima wa karonga wati wasangaruka ndi vinyo wangunene Mehumani, Bista, Harbona, Bigitani, Abagita, Zetara ndi Karkasi, nduna zinkhonde ndi ziŵi zo zatakatakiyanga karonga Ahaswerusi,

Sumu 141:10

Ŵaheni ŵawe mu virepa vya ŵeneko, penipo ine ndapozomoka.

Sumu 35:8

Phasulu liŵaziye kwa mabuchibuchi! Ndipo chirepa cho ŵakuthya ŵawiremo ŵeneko; zomerani kuti ŵawemo ndi kuparghanika!

Danyele 6:24

Ndipo karonga wangulangula, ndipo ŵanthu ŵa ŵangupacha Danyele ŵangutoreka ndi ŵangupong'eka mu zenje la nkharamu, iwo, ŵana ŵawo, ndi ŵawoli ŵawo; ndipo ŵenga ŵandafike pasi pa zenje, nkharamu zinguŵaparuwa ndi kuvikita viwanga vyawo vyose.

Danyele 6:7

Ŵarongozgi wose ŵa ufumu, ŵeruzgi, ndi mafumu, ŵaupu ndi zinduna, ŵazomerezgana kuti karonga wamike dangu la ufumu ndi walikhozge kuti, yose yo wasopenge Chiuta munyeke, kwa mazuŵa machumi ghatatu (30) kwambura kuti ndimwe pe karonga, wapong'eke muzenje la nkharamu.

Sumu 73:19

Ruŵi-ruŵi ŵabwanganduka; ŵasikiya ku umari wakofya!

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

Estere 6:14

Weche kurongoro nayo mathenga gha karonga ghanguza ghangutinthimika kuza nayo Hamani ku dghera lo Estere wangulongoso.

Estere 6:2

Mungusanirika kuti mukulembeka kuti Mordikayi ndiyo wangusumuwa Bigitani ndi Teresi, ŵateŵeti ŵaŵi ŵa karonga, ŵalinda ŵapa likomo, ŵeniwo ŵangukhumba kuŵika janja pa karonga Ahaswerusi.

1 Samuele 17:51

Davidi wanguchimbiya wanguma pachanya pa muFilisti wangusoro lipanga mu chibazi chake, wangumubaya kudumuwa nalo mutu wake. Po ŵaFilisti ŵanguti ŵawona kuti ngwazi yawo yafwa ŵanguthaŵa.

2 ŴaKaronga 9:32

Yehu wanguyinuskiya chisku chake ku dangazi wanguti, “Njani we kuchiri kwangu? Njani?” Ŵamthenu, ŵaŵi, pamwenga ŵatatu ŵangumulereska.

Estere 8:7

Karonga Ahaswerusi wanguti kwaku Estere fumukazi ndi kwaku Mordikayi mu Yuda yo, “Onani ndapaska Estere nyumba yaku Hamani ndipo iyo ŵangupayika pa muti, chifukwa iyo wakhumbanga kubaya ŵaYuda.

Estere 9:14

Ndipo karonga wangulangula kuti kuchitike viyo, mazu ghangutuwa mu Susa, ndipo ŵana chumi ŵaku Hamani ŵangupayikika.