Estere 7:7 - Tonga Bible 1986

⁷ Karonga wangusoka pa dghera ndi ukari, wanguruta ku munda wa maluŵa wa nyumba ya ufumu kweni Hamani wangusoka wakuŵeyerere umoyo wake ku fumu­kazi Estere, pakuti wanguwona kuti karonga wangutundiya ndi wakhumbanga kumuchitiya chiheni.

Estere 7:7 Referans Kwoze

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Estere 1:12

Kweni fumukazi Vashite yingukana kuza pa langulu la karonga lo linguza ndi zinduna ziya. Ndipo karonga wangufya mtima ukongwa, ndipo ukari wake ungukole mwake.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.

Danyele 3:19

Viyo Nebukadanezara wangutundiya ukongwa ndipo kawonekedu ka chisku chake kangusanduka kakumikana ndi Shadreke, Mesheke, ndi Abedenego. Wangulangula kuti ŵasonkhenge ng'anjo kankhonde ndi kaŵi kwakuruska mo yasonkhezgekiyanga pakudanga.

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Nthanthi 14:19

Uheni ulamba pasi paurongo pa umampha, wamphulupulu pa malikomo gha murunji.

Sumu 112:10

Ŵaheni ŵatichiwona ichi ndipo ŵatimbanizgika; ŵakekechuwa minyu mu ukari ndi ŵawala; chingomezgu chawo charutiya limu muyaya.

1 Samuele 25:17

Mu chifukwa ichi uziŵe ndi ughanaghane paku cho ungachita; pakuti uheni wasimikizgika kuchitikiya pa mbuyafwe ndi pa nyumba yake yose, ndipo we ndi umoyo uheni mwakuti yumoza kuti wangakamba nayo cha.”

1 Samuele 20:9

Ndipo Jonafani wanguti, “Awa! Kungaŵa viyo cha! Asani ndinguziŵa kuti nchakusimikizgika ndi ada kukuchitiya uheni, mphanyi ndilivi kukunene.”

1 Samuele 20:7

Asani ŵatiti, nchamampha! Kundiŵiyenge umampha ndamteŵeti wako; kweni asani ŵakaripa, ipo ziŵa kuti ŵangusimikizga kuchita uheni.

Estere 1:5

Ghanguti ghamara mazuŵa gho, karonga wanguchitiya ŵanthu wose wo ŵenga mu Susa ŵara ndi ŵamana, dghera mazuŵa ghankhonde ndi ghaŵi, mu luluwa la munda wamaluŵa waku nyumba ya karonga.

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Nthanthi 14:35

Mteŵeti yo wachita kwa zeru wendi mwaŵi wa karonga, kweni ukari wake utuwa paku yo watakataka kwakulengeska.

Nthanthi 16:14

Ukari wakaronga ndi thenga la nyifwa ndipo munthu wazeru waupozgenge.