Estere 7:4 - Tonga Bible 1986

⁴ Chifukwa taguliskika, ine ndi ŵanthu ŵamtundu ŵangu kuti timalike, tibayike ndi timare teteti. Asani tiguliskikenge nge mbaŵanda ŵanthurumi ndi ŵaŵanda ŵanthukazi mphanyi ndaja chete; chifukwa kukomwa kwidu kuti kungalinganizgika ndi suzgu ya karonga cha.”

Estere 7:4 Referans Kwoze

Estere 3:9

Asani karonga wakondweskeka nacho, iku kulembeke kuti ŵabayike ndipo ine ndi paskenge matalente gha siliva vikwi chumi mu manja gha zinduna za nchitu ya karonga, kuti ŵaze nagho kughaŵika mu nyumba za usambasi wa karonga.”

Marangu 28:68

Ndipo Ambuya akamuwezgiyaninga ku Egipiti mu zingaraŵa, ulendo weniwo ndingupangana kuti mukawendanga so cha, mwenimuwa mwakujiguliska ku ŵakupindikana ŵinu kuŵa ŵaŵanda ŵanthurumi ndi ŵaŵanda ŵanthukazi, kweni pamuwulavi munthu yo wakumugulani.”

Estere 3:13

Ŵakalata ŵangutumika ku vyaru vyose vya karonga kuti kuŵenge kubaya ndi kumara ŵaYuda wose, ŵamana ndi ŵara, ŵana ndi ŵanthukazi, mu zuŵa limoza, pa zuŵa la chumi ndi ghatatu la mwezi chumi ndi yiŵi, mwezi wa Adara, ndi kuskoŵa vyawo.

Estere 8:11

Mwakuŵenaŵa ŵakalata, karonga wanguzomerezga ŵaYuda wo ŵenga mu msumba we wose kuti ŵawungani pamoza kutaska maumoyo ghawo, kumara, kubaya, ndi kunanga nkhondo ya ŵanthu wose pamwenga charu chose cho chingamikana nawo, ndi ŵana ŵawo, ndi ŵanthukazi ŵawo, ndi kuskowa usambasi wawo.

Amosi 2:6

Viyo atiti Ambuya: “Chifukwa cha maulakwi ghatatu ghaku Yisraele, ndi wachinayi, kuti ndiwezgenge kulangika kwake cha; chifukwa waguliska murunji ndi siliva, ndi mkavu ndi skapatu ziŵi.

Yoele 3:6

Mwaguliska ŵana ŵaku Yuda ndi ŵana ŵaku Yerusalemu ku ŵa Giriki, kuŵatuzgiya kutali ndi mphaka yawo.

Estere 7:6

Estere wanguti, “Chimphindikwa ndi murwani, ndi uyu Hamani muheni!” Ndipo Hamani wangutenthema ukongwa paurongo pa karonga ndi fumukazi.

Nehemiya 5:5

Sono nyama ya maliŵavu ghidu yikozgana ndi ya ŵabali ŵidu, ŵana ŵidu ŵakozgana ndi ŵana ŵawo, kweni tichichizga ŵana ŵidu ŵanthurumi ndi ŵanthukazi kuŵasanduska ŵaŵanda, ndipo ŵana ŵidu ŵanthukazi ŵemu uŵanda kale; kweni kuti mazaza ngidu cha kutuzgapo ichi, pakuti minda yidu ndi minda ya mphereska vyemu manja gha ŵanthu ŵanyake.”

1 Samuele 22:23

Uje ndi ine, ungopanga cha; pakuti yo wapenja umoyo wangu wapenja umoyo wako; ndi ine ukasungikanga umampha.”

Yoswa 9:23

Mu chifukwa ichi mwe ŵakutembeka, ndipo ŵanyake ŵaku imwe nyengo zose ŵakaŵanga ŵaŵanda, ŵakudumuwa nkhuni ndi ŵakunegha maji ghamu nyumba yaku Chiuta wangu.”

Luka 12:45

Kweni asani muŵanda yo wanenenge mu mtima wake, ‘Waswera kuza mbuyangu;’ ndipo wambenge kupuma ŵahurwa ndi ŵasungwana, ndi so kurgha ndi kumwa, ndi kuloŵe:

Estere 7:5

Penipo karonga Ahaswerusi wangwamuka wanguti kwaku Estere, “Kumbi ndiyani, ndipo we pani, mweniyo wendi chiganga mu mtima wake kuchita viyo?”

Estere 8:6

Ndingakunthiyapo uli pakuwona uheni wo uzengi pa ŵanthu ŵa mtundu wangu? Pamwenga ndikunthiyengepo uli pakuwona kubayika kwa ŵabali wangu?”

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

Danyele 6:2

Ŵara ŵawo ŵangumika ŵarongozgi ŵatatu, yumoza waku wo wenga Danyele, kuti mafumu ghose ghaperekenge makani kwaku iwo, mwakuti karonga wareke kusuzgika.