Estere 7:10 - Tonga Bible 1986

¹⁰ Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Estere 7:10 Referans Kwoze

Sumu 7:16

Uheni wake uwere pa mutu waku iyo mweneko, ndipo nkhaza zake zisikiya pa liwombo la mweneko.

Danyele 6:24

Ndipo karonga wangulangula, ndipo ŵanthu ŵa ŵangupacha Danyele ŵangutoreka ndi ŵangupong'eka mu zenje la nkharamu, iwo, ŵana ŵawo, ndi ŵawoli ŵawo; ndipo ŵenga ŵandafike pasi pa zenje, nkharamu zinguŵaparuwa ndi kuvikita viwanga vyawo vyose.

Ezekiele 5:13

“Viyo ndimo ukari wangu ukamariyanga, ndikajikhorweskanga pakupunguliya kukwiya kwangu paku iwo; sono ŵakaziŵanga kuti ine, Ambuya, musanji yangu ndarongoro, po ndifiska kukara kwangu paku iwo.

Ŵeruzgi 15:7

Ndipo Samsoni wanguti kwaku wo, “Asani ichi ndichu muchita, ndirapa, ndikajitayiyanga thayu paku imwe, ndipo pavuli ndirutenge.”

Zekariya 6:8

Ndipo wangudanirizga kwangu wanguti, “Nadi, wo ŵaruta ku charu chaku nkhonde ŵapumuzga Mzimu wangu mu charu chaku nkhonde.”

Estere 2:1

Pavuli pa vinthu ivi, karonga Ahaswerusi wanguti watuna ku ukari wake, wangukumbuka Vashite ndi cho wanguchita, ndi cho chingulangulikiya iyo.

Chiyambo 40:22

kweni wangupayika wakubika uli ndimo Yosefe wanguŵang'anamuliya maloto ghawo.

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.

Estere 7:7

Karonga wangusoka pa dghera ndi ukari, wanguruta ku munda wa maluŵa wa nyumba ya ufumu kweni Hamani wangusoka wakuŵeyerere umoyo wake ku fumu­kazi Estere, pakuti wanguwona kuti karonga wangutundiya ndi wakhumbanga kumuchitiya chiheni.

Estere 7:8

Ndipo karonga wanguwe ku munda wa nyumba ya ufumu wangusere mu nyumba mo mwenga dghera la vinyo, wanguwona Hamani wawa pa chakujapo cho wangujapo Estere. Karonga wanguti, “Kumbi wachichizga so fumukazi pa maso ghangu mu nyumba?” Pakutuwa mazu mu mlomo wa karonga ghangumubenekere Hamani chisku.

Sumu 94:23

Wakaŵalanganga chifukwa cha mauheni ghawo, ndi kuŵabwanganduwa chifukwa cha vilakwa vyawo; Ambuya Chiuta widu waŵaparghang'enge.

Nthanthi 11:27

Mweniyo wapenja umampha kwarwana wapenja mwaŵi, kweni uheni utuza kwaku yo watuupenja.

Nthanthi 26:27

Mweniyo wakumba zenje wakawangamo, ndipo mwa ukamuweriyanga mweniyo wayamba kuwukunkhuzga.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Estere 8:7

Karonga Ahaswerusi wanguti kwaku Estere fumukazi ndi kwaku Mordikayi mu Yuda yo, “Onani ndapaska Estere nyumba yaku Hamani ndipo iyo ŵangupayika pa muti, chifukwa iyo wakhumbanga kubaya ŵaYuda.

Estere 9:14

Ndipo karonga wangulangula kuti kuchitike viyo, mazu ghangutuwa mu Susa, ndipo ŵana chumi ŵaku Hamani ŵangupayikika.

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

Jobu 18:8

Pakuti wapong'eka mu chirepa ndi marundi gha mweneko, ndipo watenda pachanya pa mbuna.

Jobu 20:8

Wakaphururukiyanga kutali nge ndi loto, ndi kuti wakasanirikanga cha; wakadikiskikiyanga kutali nge ndi chiwona cha usiku.

Sumu 37:15

Lipanga lawo likaserenga mu mtima wa ŵeneko, ndipo mauta ghawo ghakafyokanga.

Nthanthi 11:8

Murunji wataskika ku suzgu, ndipo wamphurupuru waseremo mu malo ghake.

Danyele 6:25

Ndipo karonga Dariusi wangulemba ku ŵanthu wose, mitundu ya ŵanthu, ndi makambidu, ŵakuja mu charu chose: “Chimangu chandaniskike kwaku imwe.