Estere 6:1 - Tonga Bible 1986

¹ Usiku uwa tulu twa karonga tingukamuka, ndipo wangulangula kuti ŵazi nalo buku la mkoka, ndipo linguŵerengeka paurongo pa karonga.

Estere 6:1 Referans Kwoze

Danyele 6:18

Viyo karonga wanguruta ku nyumba yake, wangukana kurgha usiku wose ndipo chingana vyakumbiya vyengavi kutoreke kwaku iyo, ndi tulo nato twengavi kuzamo mu maso ghake.

Danyele 2:1

Mu chirimika cha chiŵi cha muwusu waku Nebukadanezara, Nebukadanezara wangulota maloto; ndipo mtima wake ungusuzgika nagho, ndi tulu twake tingukamuka.

Estere 2:23

Wanguti wafumbiriya mlando uwu kungusanirika kuti kwenga viyo ndipo wose ŵaŵi ŵangupayikika pa muti. Ndipo chingulembeka mu Buku la Mikoka paurongo pa karonga.

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Yesaya 41:17

Penipo ŵasauchi ndi ŵasokwa ŵapenja maji, ndipo palivi, ndipo lilime lawo lomilwa ndi nyota, ine Ambuya ndiŵamukenge, ine Chiuta waku Yisraele kuti ndikaŵajowonga cha.

Estere 10:2

Ndipo nchitu zose za nthazi yake ndi mazaza ghake, ndi kutalika kwa mtufu waku Mordikayi wo karonga wangumkwezga nawo, kuti vyalembeka cha mu Buku la Mikoka ya Mafumu gha Media ndi Perese?

Chiyambo 22:14

Viyo Abrahamu wangudana zina la malo gha, “Ambuya akapaskanga,” uli ndimo kukambikiya mpaka zuŵa lino, “Pa phiri la Ambuya chikapaskikanga.”

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Estere 5:8

Asani ndasaniya wezi pa maso pa karonga, asani chikondweskenge karonga kundipaska cho ndirombenge ndi kufiska khumbu langu, wazenge karonga ndi Hamani ku dghera lo ndiŵalongosoriyenge, ndichitenge la mawa nge ndimo karonga wakambiyenge.”

Estere 2:22

Chinthu ichi chinguziŵika kwaku Mordikayi viyo wangunene fumukazi Estere, ndipo Estere wangunene karonga mu zina laku Mordikayi.

Estere 2:21

Mu mazuŵa gha Mordikayi weche kuja pa likomo la karonga, ŵasungi nyumba ŵaŵi ŵa karonga Bigtani ndi Teresi, ŵamoza ndi ŵalinda ŵa likomo ŵangukalipa, ŵakhumbanga kumuko karonga Ahaswerusi.