Estere 5:1 - Tonga Bible 1986

¹ Pazuŵa la chitatu Estere wanguvwara vya ufumukazi, wanguma mu luluwa la mukati la nyumba ya karonga, kulazga ku chipinda chakuwunganamo; ndipo karonga wanguja pa chitengo chake cha ufumu mu nyumba ya ufumu, kurazga ku likomo la nyumba:

Estere 5:1 Referans Kwoze

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Estere 6:4

Ndipo karonga wanguti, “Ndiyani wemu bwalo?” Sono Hamani wangusere mu luluwa la kubwalo la nyumba ya karonga kuti wakambe ndi karonga kuti Mordikayi wapayikike pa muti wo wangulongoso.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Estere 4:11

kuti, “Ŵa nchitu wose ŵa karonga ndi vyaru vyose vya karonga ŵaziŵa kuti munthu yose, munthurumi pamwenga munthukazi, yo wasere ku luluwa la mkati wambura kudanika dangu ndimoza ndakuti wabayike, asani karonga walivi kumsoske nthonga ya ufumu ya golide kuti waŵe ndi umoyo. Ndipo ine ndirivi kudanika kwachisere ku karonga mazuŵa machumi ghatatu.”

Estere 8:15

Mordikayi wangutuwa pauronga pa karonga, wakuvwara vivwaro vya ufumu vifipa nge ndi mtambo, ndi vyabafuta, ndi mphumphu yikuru ya golide, ndi mnjirira wa saru yakutowa yakufyuŵara; ndipo msumba wa Susa ungukambura ndi kusekere.

Luka 22:30

alinga kuti murghenge ndi mumwenge pa gome langu mu ufumu wangu; ndipo mujenge pa vitengu, ŵakweruzga mafuku chumi ndi ghaŵi ghaku Yisraele.

Mateyu 27:64

Viyo langulani kuti muunda wo ukhozgeke mpaka zuŵa lachitatu, vinu kokuli ŵasambizi ŵake ŵangaza ndi kumuba, ndi ŵangakambiya khamu lo, kuti, ‘Wayuka ku ŵakufwa’: ndipo urandizgi wakumariya wo ukaŵanga uheniku ku wakudanga wo.”

Mateyu 11:8

Kweni mungutuliya kwachiwona chine? Munthu wakuvwara minjirira yakuworofoka mbamu nyumba za mafumu.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Estere 1:11

kuti ŵazi nayo Vashite fumukazi paurongo pa karonga, ndi mphumphu ya ufumu pa mutu, kurongo kutowa kwake ku ŵanthu ndi mafumu, chifukwa wenga wakutowa pakumlereska.

Estere 4:17

Viyo Mordikayi wanguruta, wangwachichita vyose nge ndimo Estere wangumlanguliya.

Estere 2:5

Mu msumba mwenga mu Yuda zina lake Mordikayi, mwana waku Jaire mwana waku Shimei mwana waku Kishi, mu Benjamini,