Estere 4:3 - Tonga Bible 1986

³ Ndipo mu chigaŵa chose cha charu mo mungufika dangu la karonga ndi langulu lake mwenga chitenje mukati mu ŵaYuda ndi kukana kurgha ndi kuliya masozi ndi kubongo; ŵanandi ŵangugona mu vyoto.

Estere 4:3 Referans Kwoze

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Danyele 9:3

Viyo ndingurazga chisku changu kwa Ambuya Chiuta, kumufumba mu kuromba, ndi mu kuŵeyere, kufunga kurgha, ndi kuvwara chigudulu ndi kujidiriya choto.

Yesaya 58:5

Kumbi kufunga ko ndisankha ine nkhwa viyo, zuŵa lakujorovye munthu? Kumbi nkhukotama waka mutu pasi mwa kuthaŵiriya, ndi kutandika chigudulu ndi choto kusi kwake? Kumbi ichi ndichu mungadana kuti nkhufunga, ndi zuŵa lamalondeka ku Ambuya?

Yesaya 22:4

Chifukwa cho ine ndinguti: “Lereskani kunyake kutuwako kwangu, ndirekeni ndiliyi masozi ghakuŵaŵa; mungatakatakiyanga kundisangaluska cha chifukwa chakumara kwa ŵanthu ŵangu.”

Mateyu 25:30

Ndipo muŵanda yo mzira-upiripiri mtayeni ku mdima wakubwaro: ko kuŵenge kuliya ndi mkukutu wa minyu.’

Mateyu 22:13

Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’

Mateyu 13:42

ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu.

Estere 4:16

“Ruta ukawunganiske ŵaYuda wose wo ŵemu msumba wa Susa, mufunge kurgha ndi kumwa mazuŵa ghatatu, usiku ndi msana. Ine ndi ŵateŵeti ŵangu ŵanthukazi nafwe tikafunganga kwakulingana ŵaka. Sono pavuli ndamsere ku karonga nanga ichi nchakupambana ndi dangu; ndipo asani nkhufwa, ndifwenge ŵaka.”

Estere 3:12

Viyo ŵalembi ŵa karonga ŵangudanika pa zuŵa la chumi ndi ghatatu la mwezi wakudanga, ndipo vingulembeka vyose vyo Hamani wangulanguliya ŵalembi ku zinduna za karonga ndi ŵeruzgi ŵakutufuliya ndi ŵakuwusa ŵanthu mu vigaŵa vyose kwaku wose mukarongololedu ka mazu ghawo, kungulembeka mu zina la karonga Ahaswerusi ndi kudidimizgapo mphete ya karonga.

Estere 1:1

Mu mazuŵa ghaku Ahaswerusi, uyu ndi Ahaswerusi yo wausanga kutuwa ku India kwachifika ku Etiopia, pa vyaru machumi pe chumi pachanya machumi ghaŵi ndi vinkhonde ndi viŵi (127).

1 Samuele 11:4

Mathenga ghanguti ghafika ku Gibea kwaku Sauli, ndi kukamba makani yagha mumakutu gha ŵanthu; ŵanthu wose ŵanguliya ukongwa.

Estere 4:2

wanguza kwakuratana ndi likomo la karonga, pakuti kwengavi yumoza wanguziŵa kusere pa likomo la karonga yo wanguvwara chigudulu.

Estere 4:4

Viyo ŵamwali ŵaku Estere ndi vidandani ŵanguza ŵangumunene, fumukazi yingupwetekeka ukongwa mu mtima, ndipo yingutuma chakuvwara kwachivwarika Mordikayi ndi kumzuwa chigudulu, kweni kuti wanguchironde cha.

Estere 9:31

kuti mazuŵa yagha gha Purimu ghakhozgeke mu nyengo yake yakutemeka, nge ndimo Mordikayi muYuda ndi fumukazi Estere ŵanguteme iwo, ndimo iwo ŵangujiteme ŵija ndi mphapo yawo, makani ghakunguzga kurgha ndi kutenje kwawo.

Yoswa 7:6

Sono Yoswa wanguparuwa vyakuvwara vyake, ndipo wanguwa pasi kavunama paurongo pa bokosi la Ambuya mpaka mazulo iyo pamoza ndi ŵaraŵara ŵa ŵaYisraele; ndipo ŵangujidiya fuvu ku mitu yawo.

Jobu 2:8

Ndipo wanguto zinga kujikwanthiya nalo, ndipo wanguja mu vyoto.

Ezekiele 27:30

Ŵatenje kwakubongo paku iwe, kuliya kwakuŵaŵa mtima. Kudira fuvu ku mitu yawo ndi kugadabuka mu vyoto;

Yona 3:6

Mbiri ya mazu yagha yingumufika karonga waku Nineve, ndipo wangusokapo pa chitengo chake ndi wanguzuwa munjilira wake, ndi wangudika chigudulu, ndipo wanguja mu vyoto.