Estere 3:8 - Tonga Bible 1986

⁸ Ndipo Hamani wanguti ku karonga Ahaswerusi, “Uliko mtundu unyake wa ŵanthu ŵakuparangikiya ku bwalo kwa charu ndi wakuchapariya mukati mu ŵanthu mu vigaŵa vya ufumu winu, ndipo marangu ghawo ghapambana ndi gha ŵanthu wose chingana nkhuti ŵasunga marangu gha karonga cha, viyo chitumwanduliya kanthu cha karonga kuti walereskepo ŵaka.

Estere 3:8 Referans Kwoze

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

Machitidu gha Ŵakutumika 28:22

Kweni tikhumba kuvwapo kwako, vyo urunguruka; chifukwa pa pambuku lenili, kuziŵika kwaku ifwe kuti kosekose lisuskika.”

Machitidu gha Ŵakutumika 24:5

Chifukwa tikumsaniya munthu mwenuyu kuŵa chideru, ndi wakuyuska vivurupi mu ŵaYuda wose ŵamu charu chose, ndi chirongozgi wa pambuku la ŵaNazarete:

Yohane 7:35

Viyo ŵaYuda ŵangunenerana, “Wakhumba kuya nunkhu uyu, ko ifwe kuti timsaniyenga cha? Kumbi wakhumba kuya ku misumba ya ŵaGriki, mo ŵaYuda ŵaja ndi kusambizga ŵaGriki?

Zekariya 7:14

“Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Ezekiele 11:16

Chifukwa cho unene kuti, ‘Viyo atiti Ambuya Chiuta: Nanga ndikuŵadikiskiya kutali mukati mu mitundu, nanga ndikuŵambiniska mukati mu vyaru, kweni ndipuuli kwaku iwo ndaŵa malo ghakupaturika kwa nyengo yimanavi mu vyaru mo ŵakuya.’

Ezekiele 6:8

“Kweni ndipuuli ndisiyengeko ŵamoyo ŵanyake ŵaku imwe. Po mukaŵanga nawo ŵanyake wo ŵapozomoka ku lipanga mukati mu ŵamitundu, ndi penipo mwaparghanikiya mu vyaru,

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Nehemiya 1:8

“Kumbukani mazu ghinu gho mungulanguliya mteŵeti winu Mosese ghakuti, ‘Asani mukaŵanga ŵambura magomekezgeka ndikakumbininiskiyaninga mu mitundu ya ŵanthu;

Marangu 32:26

Mphanyi ndingukamba kuti, “Ndikaparghang'iyanga kutali, ndikamaranga chikumbusku chawo mu ŵanthu.”

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

1 Petro 1:1

Kalata wakutuwa kwaku Petro wakutumika waku Yesu Kristu, ku ŵalendo ŵakuchariya mu Pontu, Galatia, Kapadokia, Asia ndi Bithunia,

Estere 3:9

Asani karonga wakondweskeka nacho, iku kulembeke kuti ŵabayike ndipo ine ndi paskenge matalente gha siliva vikwi chumi mu manja gha zinduna za nchitu ya karonga, kuti ŵaze nagho kughaŵika mu nyumba za usambasi wa karonga.”

Estere 4:1

Mordikayi wanguti waziŵa vyose vyo vinguchitika wanguparuwa vyakuvwara vyake, wanguvwara chigudulu ndi wangujidiriya vyoto, wangutuwa mu msumba kuliya ndi kubangura pachanya kwa kuŵaŵa mtima,

Yeremiya 33:24

“Kumbi ulivi kuteska chenicho ŵakamba ŵanthu yaŵa, kuti, ‘Kumbi Ambuya ataya mbumba ziŵi zo ŵangusankha?’ Viyo ŵanyoza ŵanthu ŵangu, kuti nge ndi mtundu so cha mu maso ghawo.

Danyele 3:8

Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda.

Danyele 6:13

Ndipo wangwamuka paurongo pa karonga wanguti, “Danyele yo njumoza wa ŵamikoli ŵaku Yuda kuti watukuphwereni cha imwe karonga, pamwenga dangu lo mukusayinda, wasopa katatu pa zuŵa.”

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

Ezra 4:6

Po Ahaswerusi wangwamba kuwusa, ŵangulemba kalata wakuŵatundula ŵamu Yuda ndi mu Yerusalemu.

Danyele 6:14

Penipo karonga wanguvwa mazu yagha, wanguŵa ndi chitima chikuru, ndipo wangukhumba kumutaska Danyele, wangurimbarimba mpaka dazi lingusere.