Estere 3:13 - Tonga Bible 1986

¹³ Ŵakalata ŵangutumika ku vyaru vyose vya karonga kuti kuŵenge kubaya ndi kumara ŵaYuda wose, ŵamana ndi ŵara, ŵana ndi ŵanthukazi, mu zuŵa limoza, pa zuŵa la chumi ndi ghatatu la mwezi chumi ndi yiŵi, mwezi wa Adara, ndi kuskoŵa vyawo.

Estere 3:13 Referans Kwoze

Estere 9:10

Ŵana ŵanthurumi chumi ŵaku Hamani mwana waku Hamedata, mphindikwa ya ŵaYuda: kweni vinthu vyawo kuti ŵanguskoŵa cha.

2 Mikoka 30:6

Viyo methenga ghanguruta mu Yisraele yose ndi Yuda ndi ŵakarata ŵakutuwa ku karonga ndi mafumu ghake, kwakuyana nge ndimo karonga wangulanguliya, kuti, “Mwa ŵaYisraele, wereni ku Ambuya, Chiuta waku Abrahamu, Yisaki ndi Yisraele, mwakuti awere so kwaku wo ŵajako ŵaku imwe, wo ŵapozomoka ku manja gha ŵakaronga ŵaku Asiriya.

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

ŴaRoma 3:15

“Marundi ghawo ghapusumphiya kudiya ndopa;

Yeremiya 51:31

Wakuchimbiya wachimbiya kwachikumana ndi munyake, ndipo nthumi yimoza kwachikumana ndi yinyake, kwachinene karonga wa Babiloni kuti msumba watoreka kosekose;

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Jobu 9:25

“Mazuŵa ghangu ghatenda ruŵi kwakuruska wakuchimbiya; ghatenda ruŵi kuti ghawona umampha cha.

Estere 7:4

Chifukwa taguliskika, ine ndi ŵanthu ŵamtundu ŵangu kuti timalike, tibayike ndi timare teteti. Asani tiguliskikenge nge mbaŵanda ŵanthurumi ndi ŵaŵanda ŵanthukazi mphanyi ndaja chete; chifukwa kukomwa kwidu kuti kungalinganizgika ndi suzgu ya karonga cha.”

1 Samuele 22:19

Ndipo Nobo, msumba wa ŵazukuru, wanguwuŵika ku lipanga; wose ŵanthurumi ndi ŵanthukazi, ŵana ndi ŵakonkha, ng'ombe, mbunda ndi mberere, wanguviŵika ku lipanga.

Estere 8:5

viyo Estere wangusoka wanguma paurongo pa karonga ndi wanguti, “Asani nchakukondweska karonga, ndi asani ndasaniya wezi paurongo pake, ndipo chinthu cho chiwonekenge kuti nchakunyoroka paurongo pake, ndi kuti ine nane nditumkondweska, kulembeke mazu ghakususka mazu ghakupangizgika ndi Hamani mu Agagi mwana waku Hamedata, gho wangulemba kuti ŵaYuda ŵamu vyaru vyose ŵabayike.

Estere 9:1

Mu mwezi wa chumi ndi yiŵi, wo ndi mwezi wa Adara, pa zuŵa la chumi ndi ghatatu la mwezi weniwo, penipo dangu la karonga ndi langulu lake lenga pafupi kuti lifiskike, mu zuŵa lo ŵarwani ŵa ŵaYuda ŵangugomekezga kupunda ŵaYuda kweni kungung'anamuka, zuŵa lo ndilo ŵaYuda ŵanguthereske ŵarwani wo ŵanguŵatinkha.

Estere 9:5

Viyo ŵaYuda ŵangubaya so ŵarwani ŵawo ndi lipanga, kubaya ndi kunanga, ŵanguchita mo ŵangukhumbiya pe ndiwo ŵanguŵaŵemba.