Estere 3:12 - Tonga Bible 1986

¹² Viyo ŵalembi ŵa karonga ŵangudanika pa zuŵa la chumi ndi ghatatu la mwezi wakudanga, ndipo vingulembeka vyose vyo Hamani wangulanguliya ŵalembi ku zinduna za karonga ndi ŵeruzgi ŵakutufuliya ndi ŵakuwusa ŵanthu mu vigaŵa vyose kwaku wose mukarongololedu ka mazu ghawo, kungulembeka mu zina la karonga Ahaswerusi ndi kudidimizgapo mphete ya karonga.

Estere 3:12 Referans Kwoze

1 ŴaKaronga 21:8

Viyo Yezebelu wangulemba ŵakalata mu zina laku Ahabu, wangudidimizgapo chizighiriyu chake, ndipo wangutuma ŵakalata wo ku ŵaraŵara ndi ŵanangwa wo ŵajanga ndi Naboti mu msumba wake.

Estere 1:22

wangutuma ŵakarata mu vigaŵa vyose vya ufumu wake, mu chigaŵa che chose mu karembedu kake, ndi ku ŵanthu ŵe wose mu mazu ghawo, kuti munthurumi we yose waŵenge murongozgi mu nyumba yake; ndipo kuti ichi chikambike kwakuyana ndi mazu gha ŵanthu ŵake.

Danyele 6:15

Kweni ŵanthu yaŵa ŵanguza ku karonga ndi mtima umoza, ndi ŵanguti kwaku iyo, “Muziŵa, imwe karonga kuti, ndi dangu la ŵaMede ndi ŵaPerese ndipo kuti nchakwenere cha kuti dangu pamwenga langulu lo lamikika ndi karonga lisinthike.”

Danyele 6:12

Ndipo ŵanguza paurongo pa karonga kukamba ndi dangu lo karonga wangumika, ŵanguti, “Kumbi mulivi kusayinda karata wa dangu kuti, we yose yo wasopa Chiuta munyake pamwenga munthu munyake mu mazuŵa machumi ghatatu (30) kwambura nge nkhwaku imwe karonga, wapong'ekenge mu zenje la nkharamu?” Karonga wangwamuka wanguti, “Nchakuneneska chinthu cho, kwakulingana ndi dangu la ŵaMede ndi ŵaPerese lo lisinthika cha.”

Danyele 6:8

Sono imwe karonga, khozgani dangu ili ndi musayinde zina linu pa karata uyu, kuti lireke kusinthika, nge ndi dangu la ŵaMede ndi ŵaParese lo kuti lisinthika cha.”

Estere 9:27

ŵaYuda ŵangumika ichi, ŵangujilapizga ŵija ndi mphapu yawo ndi wose wo ŵangujibatika kwaku iwo, mwakuti chireke kutondeka, ŵatenere kusunga mazuŵa yagha ghaŵi kwakulingana ndi cho chalembeka, ndi kwakulingana ndi nyengo yawo ya kutemeka, chirimika ndi chirimika;

Estere 8:2

ndipo karonga wanguzuwa mphete yake yo wanguto kwaku Hamani ndi wanguyipaska Mordikayi kuŵa mura pa nyumba yaku Hamani.

Ezra 8:36

Ndipo ŵangupereka malangulu gha karonga ku nduna za karonga ndi ku ŵamirizi ŵa chigaŵa cha sirgha la msinji ŵanguwovya ŵanthu ndi nyumba yaku Chiuta.

Estere 3:11

Ndipo karonga wanguti kwaku Hamani, “Siliva ndako, ndi ŵanthu viyo kuti uchite nawo nge ndimo ungakhumbiya.”

Danyele 3:10

Imwe karonga, mwamika dangu, kuti munthu yose wachivwa kuliya kwa mbata, fyoliro, bangwe, chirumbu, chimbumbuli, mangolongondo ndi vyakumba vya mitundu yose, wakagwadanga pasi ndi kusopa chikozgu cha golide.

Danyele 6:25

Ndipo karonga Dariusi wangulemba ku ŵanthu wose, mitundu ya ŵanthu, ndi makambidu, ŵakuja mu charu chose: “Chimangu chandaniskike kwaku imwe.