Estere 2:6 - Tonga Bible 1986

⁶ mweniyo wenga wamkoli kutuwa ku Yerusalemu pamoza ndi ŵamikoli wo ŵangukoleka pamoza ndi Yekoniya karonga waku Yuda yo Nebukadanezara karonga waku Babiloni wanguko kuruta nayo.

Estere 2:6 Referans Kwoze

Yeremiya 24:1

Pavuli Nebukadanezara karonga wa Babiloni wanguti wato, Yekoniya mwanawaku Yehoyakimu karonga waku Yuda, mu Yerusalemu pamoza ndi ŵanangwa ŵaku Yuda, ŵamisiri ndi ŵakusura, kuza nawo ku Babiloni, Ambuya angundiwoneska chiwona ichi: Awonani, sokora ziŵi zingujarikika paurongo pa kasopi wa Ambuya.

2 Mikoka 36:20

Wo ŵangupozomoke ku lipanga wanguruta nawo ku Babiloni, ŵangusanduka ŵaŵanda ŵake ndi ŵa ŵana ŵake kufikiya kuwusa kwa ufumu waku Perese,

2 ŴaKaronga 24:6

Viyo Yehoyakimu wangugona pamoza ndi awiske, ndipo Yehoyakini mwana wake wanguwusa mu malo ghake.

Yeremiya 22:24

“Mo ndiliri wamoyo, atiti Ambuya, chingana Konia mwana waku Yehoyakimu, karonga waku Yuda, wanguŵa mphete ya kuzighiriya pa janja langu lakurghiya, kweni ndipuuli ndikakuparuwanga mbwenu,

Yeremiya 22:28

Kumbi uyu munthu Konia ngwakunyozeka, nchiŵiya chakusweka, nchiyaŵi chambura kuchiphwere munthu? Chifukwa chine iyo ndi ŵana ŵake ŵadikiskika ndi kutayikiya mu charu cho ŵalivi kuchiziŵa?

2 ŴaKaronga 24:12

Ndipo Yehoyakini karonga waku Yuda wangujipereka ku karonga wa Babiloni, iyo mweneko, anyina ŵateŵeti ŵake mafumu ghake ndi ŵamazaza ŵapa nyumba ya ukaronga wose wangujipereka. Karonga waku Babiloni wangumuko umkoli mu chirimika cha chinkhonde ndi vitatu cha muwusu wake,