Estere 2:5 - Tonga Bible 1986

⁵ Mu msumba mwenga mu Yuda zina lake Mordikayi, mwana waku Jaire mwana waku Shimei mwana waku Kishi, mu Benjamini,

Estere 2:5 Referans Kwoze

Estere 10:3

Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.

Estere 5:1

Pazuŵa la chitatu Estere wanguvwara vya ufumukazi, wanguma mu luluwa la mukati la nyumba ya karonga, kulazga ku chipinda chakuwunganamo; ndipo karonga wanguja pa chitengo chake cha ufumu mu nyumba ya ufumu, kurazga ku likomo la nyumba:

Estere 2:3

Karonga watondo ŵakusunga charu mu vigaŵa vyose vya ufumu wake, kuti ŵawunganiske pamoza ŵamwali ŵampupuka ŵakutowa ku nyumba ya ŵanthukazi mu msumba wa Susa, kwachisungika ndi Hege mteŵeti wa karonga, musungi wa ŵanthukazi waŵapaske vyakujitozge.

Estere 1:2

Mu mazuŵa gho po karonga Ahaswerusi wanguja pa chitengo cha ufumu wake cho chenga mu msumba wake ukuru, Susa,

2 Samuele 16:5

Penipo karonga Davidi wanguti wafika ku Behulimi, kungumuziya munthu wamu mbumba ya nyumba yaku Sauli, yo zina lake lenga Shimei, mwana waku Gera; ndipo wachiza wendanga uku watuka.

1 Samuele 9:1

Kwenga munthu wa mufuku laku Benjamini yo zina lake lenga Kishi, mwana waku Abiele, mwana waku Zeroro, mwana waku Bekorata mwana waku Afiya, mwina Benjamini, munthu musambasi;

Estere 2:4

Ndipo mwali yo wakondweskenge karonga ndiyo waŵenge fumukazi mu malo ghaku Vashite.” Iyi fundu yingukondweska karonga ndipo wanguchita viyo.

2 ŴaKaronga 24:12

Ndipo Yehoyakini karonga waku Yuda wangujipereka ku karonga wa Babiloni, iyo mweneko, anyina ŵateŵeti ŵake mafumu ghake ndi ŵamazaza ŵapa nyumba ya ukaronga wose wangujipereka. Karonga waku Babiloni wangumuko umkoli mu chirimika cha chinkhonde ndi vitatu cha muwusu wake,

2 ŴaKaronga 24:15

Yehoyakini wanguruta nayo ku Babiloni pamoza ndi anyina, mafumu, ŵawoli ŵa karonga, ŵamazaza, ndi ŵakuzirwa ŵa charu cho ŵanguŵatore ku umkoli kutuwa ku Yerusalemu kuruta ku Babiloni.