Estere 2:23 - Tonga Bible 1986

²³ Wanguti wafumbiriya mlando uwu kungusanirika kuti kwenga viyo ndipo wose ŵaŵi ŵangupayikika pa muti. Ndipo chingulembeka mu Buku la Mikoka paurongo pa karonga.

Estere 2:23 Referans Kwoze

Estere 10:2

Ndipo nchitu zose za nthazi yake ndi mazaza ghake, ndi kutalika kwa mtufu waku Mordikayi wo karonga wangumkwezga nawo, kuti vyalembeka cha mu Buku la Mikoka ya Mafumu gha Media ndi Perese?

Chiyambo 40:22

kweni wangupayika wakubika uli ndimo Yosefe wanguŵang'anamuliya maloto ghawo.

Chiyambo 40:19

mu mazuŵa ghatatu Farao wasoskenge mutu wako kuwutuzgako kwako! Ndi kukupayika pa chimuti; ndipo tiyuni tukarghanga nyama yako.”

Malaki 3:16

Viyo wo ŵangopa Ambuya ŵangukambiskana uyo ndi munyake. Ambuya anguŵaphwere ndi anguŵavwa, ndipo buku lachikumbusku lingulembeka pa maso pawo la mazina ghaku wo ŵanguwopa Ambuya, ndi kughanaghana pa zina lawo.

Estere 7:10

Karonga wanguti, “Mpayikeni paku weniwo!” Viyo ŵangumpayika Hamani pa muti wo iyo wangulongosore Mordikayi. Ndipo kandundu ka karonga kangutuna.

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.

Yoswa 8:29

Ndipo wangupayika karonga wa Ai pa muti mpaka mazulo; pa kusere kwa dazi, Yoswa wangulangula kutuzgapo chiŵanda pa muti ndi kuchitaya pa kuserere pa likomo la msumba, wanguwunjikapo ndundu ya mya, yo yichalipo mpaka kunu ku sono.

Estere 6:1

Usiku uwa tulu twa karonga tingukamuka, ndipo wangulangula kuti ŵazi nalo buku la mkoka, ndipo linguŵerengeka paurongo pa karonga.

Ezra 4:15

Sono lisandike buku la makani ghakale gha ŵambuyamwe. Mu buku la makani musaniyenge ndi kuwamo nadi kuti muzi uwu ngwachigaruka, wachitiya uheni ŵakaronga ndi vyaru, ndi kuti chigaruka chikuyuskikamo ndi kale. Chifukwa ichi ungupasulika.