Estere 2:18 - Tonga Bible 1986

¹⁸ Ndipo karonga wanguchitiya dghera likuru mafumu ghose, ndi ŵateŵeti ŵake, lenga dghera laku Estere; wangupumuzga vyaru, ndi wangupereka vyawanangwa kuyana ndi wanangwa wa karonga.

Estere 2:18 Referans Kwoze

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”

Chivumbuzi 11:10

Ndipo wo ŵaja pa charu ŵakakondwerenga pa nyifwa yaku wo ŵaŵi, ndi kusekere, ndipo ŵamtumirana vyawezi; chifukwa ŵamchimi wo ŵaŵi ŵanguyungwiska ŵakuja pa charu.

Luka 14:8

“Penipo udanika ndi yumoza ku chakurgha cha nthengwa, ungaja pasi cha pa chitengu chakudanga cho; vinu wambiriku kwaku iwe wangaŵa wakudanika ndi iyo;

Mateyu 22:2

“Ufumu wa kuchanya ukozgana ndi munthu karonga, mweniyo wangubikiya mwana wake zowara,

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Sumu ya Zisumu 3:11

Tuwani, mwaŵana ŵanthukazi ŵaku Zioni, ndipo wonani karonga Solomoni, ndi chifuko cho anyina ŵakumufuka nacho pa zuŵa la nthengwa yake, pa zuŵa la kukondwa kwa mtima wake.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Estere 1:7

Ndipo wanguŵapaska vyakumwa mu nkhombo za golide za mtundumtundu, ndipo vinyo wa ufumu wenga wakuzara kuyana ndi wanangwa wa karonga.

Nehemiya 8:11

Viyo ŵaLevi ŵanguchetamiska ŵanthu, ŵanguti, “Chetamani, pakuti zuŵa ili ndakupaturika, mungaŵanga ŵachitima cha.”

1 Samuele 25:8

Uŵafumbe ŵanyamata ŵako, ndipo ŵakakukambiyanga. Chifukwa ichi ndipempha kuti ŵanyamata ŵangu aŵa ŵasaniye wezi mu maso ghako, pakuti ichi ndipempha kuti ŵanyamata ŵangu aŵa ŵasaniye wezi mu maso ghako; pakuti ili ndi zuŵa la likondwa la dghera lidu. Ndiromba, ŵapaskeni ŵateŵeti ŵinu ndi mwana winu Davidi kose ko mwenako mu janja linu.’ ”

Chiyambo 29:22

Ndipo Labani wanguwungang'a pamoza ŵanthurumi wose ŵamu malo gha, ndi wanguchita dghera.

Marko 6:21

Ndipo pakuŵapo zuŵa lakwenere, Herode pa zuŵa la kawi wanguchitiya dghera ŵara ŵake ndi nduna zake ndi ŵarongozgi ŵa ŵaGalile.