Estere 2:14 - Tonga Bible 1986

¹⁴ Wangusere ndi mazulo, ndipo ndi mlenji wanguwe kuzachisere mu nyumba yachiŵi ya ŵanthukazi kuti wachisungika ndi Shashagazi mteŵeti wa karonga yo wasunganga vidandani: kuti wangasere so ku karonga cha, kwambura nge karonga wangukondwa nayo ndi kumudana zina pakumserezga.

Estere 2:14 Referans Kwoze

Estere 4:11

kuti, “Ŵa nchitu wose ŵa karonga ndi vyaru vyose vya karonga ŵaziŵa kuti munthu yose, munthurumi pamwenga munthukazi, yo wasere ku luluwa la mkati wambura kudanika dangu ndimoza ndakuti wabayike, asani karonga walivi kumsoske nthonga ya ufumu ya golide kuti waŵe ndi umoyo. Ndipo ine ndirivi kudanika kwachisere ku karonga mazuŵa machumi ghatatu.”

Yesaya 45:4

Chifukwa cha mteŵeti wangu Yakobe, ndi Yisraele wakusankhika wangu, nditikudana zina lako iwe, nditukupaska chiwongu, chingana iwe ureke kundiziŵa.

Yesaya 43:1

Kweni sono atiti viyo Ambuya, yo wangukulenga iwe, Yakobe we, yo wangukuumba, Yisraele we: “Ungopanga cha, pakuti ndakuwombo; ndakudana iwe ndi zina, we wangu.

Marangu 21:14

Pavuli, asani mulivi kukhorwa nayo, mumufwatuwenge kuti warutenge kose kweniko wangakhumba; kweni kuti mumuguliskenge ndrama cha, kuti mumuchitenge uli ndi muŵanda cha, pakuti imwe mwamuyuyuwa kale.

Chiyambo 34:19

Ndipo munyamata kuti wanguswera cha kuchichita cho chinthu, chifukwa wenga walikondwa mu mwana waku Yakobe. Iyo wenga wakulonde ulemu kwakuruska wose pa nyumba yake.

Estere 2:13

Mwali yose pakusere ku nyumba ya karonga wangupaskika chose cho wangukhumba iyo yija chaku nyumba ya ŵanthukazi kuruta nacho ku nyumba ya karonga.

Estere 2:15

Yinguti yafika nyengo yaku Estere mwana waku Abihaile msibweni waku Mordikayi yo wangumto kuŵa nge ndi mwana wake, yakuti wakasere ku karonga, iyo wengavi kukhumba kanthu kanyake kweni cho wangunena Hege mteŵeti wa karonga ndi msungi wa ŵanthukazi mbweno. Viyo Estere wangusaniya wezi kwaku wose wo ŵamuwonanga.