Estere 2:10 - Tonga Bible 1986

¹⁰ Estere wengavi kukambiyapo ŵamtundu wake chingana mbabali ŵake: wangumuchinyiya kuti wangasumuwanga cha.

Estere 2:10 Referans Kwoze

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Estere 2:20

Estere wengavi kuvumbuwa ku ŵabali ŵake ndi ku mtundu wake, nge ndimo Mordikayi wangumupangizgiya chifukwa Estere wangumuvwiya Mordikayi nge ndi pa wamuleriyanga.

ŴaEfeso 6:1

Mwaŵana, vwiyani ŵapapi ŵinu muMbuya: chifukwa chenichi nchakurunjika.

Estere 3:8

Ndipo Hamani wanguti ku karonga Ahaswerusi, “Uliko mtundu unyake wa ŵanthu ŵakuparangikiya ku bwalo kwa charu ndi wakuchapariya mukati mu ŵanthu mu vigaŵa vya ufumu winu, ndipo marangu ghawo ghapambana ndi gha ŵanthu wose chingana nkhuti ŵasunga marangu gha karonga cha, viyo chitumwanduliya kanthu cha karonga kuti walereskepo ŵaka.

Estere 7:4

Chifukwa taguliskika, ine ndi ŵanthu ŵamtundu ŵangu kuti timalike, tibayike ndi timare teteti. Asani tiguliskikenge nge mbaŵanda ŵanthurumi ndi ŵaŵanda ŵanthukazi mphanyi ndaja chete; chifukwa kukomwa kwidu kuti kungalinganizgika ndi suzgu ya karonga cha.”

Estere 2:7

Iyo wangulela Hadasa yo ndi Estere, mwana wa msibweni wake, chifukwa wengavi wiske pamwenga nyina, ndipo mwali yo wenga wakuchama ndi wakutowa, wati wafwa wiske ndi nyina Mordikayi wangumto kuŵa nge ndi mwana wake.

Estere 2:11

Ndipo Mordikayi zuŵa ndi zuŵa wendanga pabwalo la nyumba ya ŵanthukazi kuti waziŵi mo Estere wajaliya ndimo kumuŵiyenge.

Ruti 3:6

Viyo wanguruta ku mbuli, ndi wanguchita uli ndimo mpongozi wake wangumpangizgiya.