Estere 10:3 - Tonga Bible 1986

³ Pakuti Mordikayi muYuda wenga wachiŵi ku karonga Ahaswerusi ndi wapachanya mukati mu ŵaYuda, ndipo ŵangumuzomera ŵabali ŵake ŵanandi chifukwa ŵaŵapenjiyanga umampha ŵanthu ŵa mtundu wake ndi kukamba vya chimangu ku mbeu yake yose.

Estere 10:3 Referans Kwoze

Nehemiya 2:10

Kweni penipo Sanbalata mwina Horono ndi Tobiya mteŵeti mwina Amoni, ŵanguti ŵavwa ichi, chinguŵakalipiska ukongwa kuti kwaza munthu yo wapukwa makani gha ŵana ŵaku Yisraele.

ŴaRoma 14:18

Chifukwa yo wateŵete Kristu mwaku vyenivyo, ngwakukondweska Chiuta, ndi ngwakurumbika ndi ŵanthu.

ŴaRoma 10:1

Mwa ŵabali, linkweka la mtima wangu ndi niniziku langu lakwaku Chiuta pa chifukwa chaku wo, ndikhumba kuti ŵataskike.

Danyele 5:29

Viyo Beleshazara wangulangula kuti Danyele wavwarikike nkhazu ndi ukufu mu khosi lake, ndipo kunguwandiskika kuti waŵi wakuwusa wachitatu mu ufumu.

2 Mikoka 28:7

Ndipo Zikiri, munthu wanthazi waku Efraimu, wangubaya Maseya mwana wa karonga ndi Azrikamu, wakulamula mu nyumba ya karonga, ndi Elkana wachiŵi mu mazaza ku karonga.

Chiyambo 41:40

iwe ukaŵanga wakutufuliya nyumba yangu, ndipo ŵanthu wose ŵakachitanga langulu kwakuyana ndi kulangula kwako; kweni chitengo cha ufumu pe ine ndikaŵanga mura wa pachanya pako.”

Danyele 5:16

Kweni ndavwa kuti uziŵa kundinene kang'anamuridu ndi kufwatuwa maunonono. Sono asani ungaŵerenga lembo ndi kundiziŵiska kang'anamuridu kake, ukavwarikikanga vyakuvwara vichesamu ndi ukufu wa golide mu khosi lako, ndi ukaŵanga wakuwasa wachitatu mu ufumu wangu.”

Estere 3:2

Ndipo ŵateŵeti wose ŵa karonga ŵapa likomo la karonga ŵangukotama ndi kumlambiya Hamani, chifukwa karonga wangulangula viyo paku iyo.

1 Samuele 23:17

Wangunena nayo, “Ungopanga; chifukwa janja la ada a Sauli kuti likusaniyenge cha; ukaŵanga karonga pa ŵaYisraele; ndipo ndikaŵanga pafupi nawe; ada nawo a Sauli ŵaziŵa ichi.”

Danyele 6:3

Paku yaŵa ŵatatu, ndi mukati mu mafumu ghose, Danyele wangusanirika wamagomekezgeka chifukwa mzimu umphemphyemu wenga mwaku iyo. Ndipo karonga wangukhumba kumukwezga kulamula ufumu wose.

Chiyambo 45:10

mwazamuja mu charu cha Gosheni, ndipo mwazamukuŵa pafupi nane, imwe ndi ŵana ŵinu ndi ŵana ŵa ŵana ŵinu, ndi viŵetu vinu, ndi miskambu yinu, ndi vyose vyenivyo mwe navyo;

Chiyambo 45:11

ndipo kwenikuwa ndazakumovyani, pakuti vichaliko virimika vinkhonde vya chilala vyo vituza; kopa kuti vinu imwe ndi ŵamu nyumba zinu, ndi vyose vyo mwe navyo, mungakavuka.’

1 Samuele 18:16

Kweni Yisraele yose ndi Yuda ŵangumwanja Davidi; pakuti wanguŵarongozga pakutuwa ndi pakusere.

Estere 2:5

Mu msumba mwenga mu Yuda zina lake Mordikayi, mwana waku Jaire mwana waku Shimei mwana waku Kishi, mu Benjamini,