Estere 1:19 - Tonga Bible 1986

¹⁹ Asani nkhwakukondweska karonga iku dangu lituwiye ku karonga ndipo lilembeke pamoza ndi marangu gha ŵaPerese ndi ŵaMedia kuti lireke kusinthika, lakuti Vashite wareke kuzaso paurongo pa karonga Ahaswerusi, ndipo karonga wapaske malo ghake gha ufumukazi ku munyake yo ngwamampha kwakuruska iyo.

Estere 1:19 Referans Kwoze

Estere 8:8

Imwe namwe mulembe ku ŵaYuda mo mukhumbiya, mu zina la karonga mudidimizgepo mphete ya karonga; chifukwa dangu lakulembeka ndi zina la karonga ndi kudidimizgapo mphete ya karonga kuwulevi munthu wakung'anamuliya pake.”

1 Samuele 15:28

Samuele wanguti kwaku iyo, “Ambuya aparuwa ufumu waku Yisraele kutuwa kwako msana wale, ndipo awupereka ku mwanasi wako, yo ngwamampha kuruska iwe.

Estere 8:5

viyo Estere wangusoka wanguma paurongo pa karonga ndi wanguti, “Asani nchakukondweska karonga, ndi asani ndasaniya wezi paurongo pake, ndipo chinthu cho chiwonekenge kuti nchakunyoroka paurongo pake, ndi kuti ine nane nditumkondweska, kulembeke mazu ghakususka mazu ghakupangizgika ndi Hamani mu Agagi mwana waku Hamedata, gho wangulemba kuti ŵaYuda ŵamu vyaru vyose ŵabayike.

Danyele 6:17

Wanguto mwa ndi wanguuŵika pa khomo la zenje, ndipo karonga wanguuzighiriya ndi chizighiriyu chake ndi chizighiriyu cha nduna zake, mwakuti pa ŵevi kanthu kakusinthika kakukwaska Danyele.

Estere 3:9

Asani karonga wakondweskeka nacho, iku kulembeke kuti ŵabayike ndipo ine ndi paskenge matalente gha siliva vikwi chumi mu manja gha zinduna za nchitu ya karonga, kuti ŵaze nagho kughaŵika mu nyumba za usambasi wa karonga.”

1 ŴaKaronga 3:28

Ndipo ŵaYisraele wose ŵanguvwa cheruzgu cho karonga wangupereka; ndipo ŵanguma mu kofyerwa karonga, chifukwa wanguwona kuti zeru zaku Chiuta zenga mwake, zakupereka cheruzgu chirunji.

Estere 1:21

Fundu iyi yingukondweska karonga ndi ŵana ŵa Karonga, ndipo karonga wanguchita nge ndimo Memukani wangusachizgiya;

Estere 1:18

Mafumukazi ghaku Perese ndi Media gho ghavwa kachitidu ka fumukazi ghakambenge kwakukozgana msana wale ku mafumu ghose gha karonga. Viyo muyuyu ndi ukari vikuwenge ukongwa.

Estere 2:1

Pavuli pa vinthu ivi, karonga Ahaswerusi wanguti watuna ku ukari wake, wangukumbuka Vashite ndi cho wanguchita, ndi cho chingulangulikiya iyo.