Estere 1:12 - Tonga Bible 1986

¹² Kweni fumukazi Vashite yingukana kuza pa langulu la karonga lo linguza ndi zinduna ziya. Ndipo karonga wangufya mtima ukongwa, ndipo ukari wake ungukole mwake.

Estere 1:12 Referans Kwoze

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

1 Petro 3:1

Kwakulingana nako, mwaŵanthukazi, muŵe ŵakujithereske ku ŵarumi ŵaku mwija, alinga kuti, chingana ŵatafuliya mazu gho ŵanyake, chifukwa cha kajaridu ka ŵawoli ŵawo, ŵandulike kwambura mazu,

ŴaEfeso 5:24

Kweni uli ndimo eklesiya lo lijithereske kwaku Kristu, viyo so ŵanthukazi nawo ku ŵarumi ŵawo mu chinthu chose.

ŴaEfeso 5:22

Mwaŵanthukazi mwe, jithereskiyeni ku ŵarumi ŵaku mwija, nge nkhu Ambuya.

Nahumu 1:6

Ndiyani wangama paurongo pa ukari wawo? Ndiyani waziŵa kukunthiyapo mu chifundizi cha ukari wawo? Ukari wawo upungulika nge ndi moto, ndi majalawi ghasweka ndi iwo.

Danyele 3:13

Sono Nebukadanezara mu kandundu kake kakuru, wangulangula kuti ŵazi nawo Shadreke, Mesheke, ndi Abedenego. Ndipo ŵanguza nawo paurongo pa karonga.

Danyele 2:12

Pa chifukwa ichi karonga wangutundiya ndi kukaripa, ndipo wangulangula kuti ŵazeru wose ŵamu Babiloni ŵabayike.

Nthanthi 20:2

Ukari wakofya wa karonga we uli nkhuwuruma kwa kamanakamana kwa nkharamu, mweniyo watimusosomole ku ukari wapereka umoyo wake.

Sumu 79:5

Mpaka zuŵanji, Ambuya? Mpaka zuŵanji mukakwiyanga nafwe? Kumbi ukari winu ukarutiliyanga kocha nge ndi moto?

Sumu 74:1

A Chiuta, mwatijowoliyanji viyo muyaya? Kasunkhiyanji kandundu kinu pa mberere za uliska winu?

Marangu 29:20

Ambuya kuti angamugowoke cha; kweni ukari wa Ambuya ndi sanji yawo; yiyupukiyenge munthu yo ndi matembo gho ghakulembeka mu buku ili ghakaŵanga paku iyo, ndipo Ambuya akazimwanga zina lake panu pasi.

Chituwa 32:22

Ndipo Aroni wanguti, “Kuti ukari wa mbuyawangu ukole kwakocha cha; mutiŵaziŵa ŵanthu kuti ŵapenja uheni.

Chituwa 32:19

Ndipo wanguti waŵandika ku ugoŵi ndi wanguwona thole la ng'ombe, ndi kuvina, ukari waku Mosese ungukole kwakocha, ndi wangupong'a magome kutuwa mu manja ghake ndi wangughaswiya pa sina pa phiri lo.

Chiyambo 3:16

Ku Munthukazi wanguti: “Ndikandaniskanga ukongwa urwirwi wako pakuzuwuka, ukapapanga ŵana mu urwirwi; kweni utunthwiyenge murumi wako, ndipo iyo watufuliyenge iwe.”

Danyele 3:19

Viyo Nebukadanezara wangutundiya ukongwa ndipo kawonekedu ka chisku chake kangusanduka kakumikana ndi Shadreke, Mesheke, ndi Abedenego. Wangulangula kuti ŵasonkhenge ng'anjo kankhonde ndi kaŵi kwakuruska mo yasonkhezgekiyanga pakudanga.

Estere 1:11

kuti ŵazi nayo Vashite fumukazi paurongo pa karonga, ndi mphumphu ya ufumu pa mutu, kurongo kutowa kwake ku ŵanthu ndi mafumu, chifukwa wenga wakutowa pakumlereska.

Estere 1:13

Sono karonga wanguti ku ŵanthu ŵavinjeru wo ŵanguziŵa zinyengo chifukwa ili lenga lusu la karonga kwa ku wose wo ŵanguziŵa dangu ndi cheruzgu:

Estere 7:7

Karonga wangusoka pa dghera ndi ukari, wanguruta ku munda wa maluŵa wa nyumba ya ufumu kweni Hamani wangusoka wakuŵeyerere umoyo wake ku fumu­kazi Estere, pakuti wanguwona kuti karonga wangutundiya ndi wakhumbanga kumuchitiya chiheni.