Estere 1:1 - Tonga Bible 1986

¹ Mu mazuŵa ghaku Ahaswerusi, uyu ndi Ahaswerusi yo wausanga kutuwa ku India kwachifika ku Etiopia, pa vyaru machumi pe chumi pachanya machumi ghaŵi ndi vinkhonde ndi viŵi (127).

Estere 1:1 Referans Kwoze

Danyele 9:1

Mu chirimika chakudanga chaku Dariusi, mwana waku Ahaswerusi wa mtundu wa ŵaMede, yo wanguŵa karonga pa muwusu wa ŵaKaldiya

Estere 8:9

Ŵalembi ŵa karonga ŵangudanika nyengo yeniyiya mu mwezi wa chitatu, ndiwo mwezi Sivani, pa zuŵa la machumi ghaŵi ndi ghatatu; ndipo kungulembeka kwakulingana ndi vyose mo Mordikayi wangulanguliya pa ŵaYuda, ku ŵachirongozgi ndi ŵara ndi ŵeruzgi ŵara ŵa vigaŵa vya vyaru kwamba ku India kwachifika ku Etiopia, machumi pe chumi ndi machumi ghaŵi pachanya vinkhonde ndi viŵi (127) charu che chose mu kalembedu kake, ku ŵanthu wose kwakulingana ndi mazu ghawo, ndiku ŵaYuda mu kalembedu kawo ndi mazu ghawo.

Danyele 6:1

Chingumukondweska Dariusi kumika mafumu machumi pe chumi, pachanya machumi ghaŵi (120) mu ufumu wake wose.

Estere 9:30

Ŵangutuma ŵakalata ku ŵaYuda wose mu vyaru machumi pe chumi pachanya machumi ghaŵi ndi vinkhonde ndi viŵi (127) vya ufumu waku Ahaswerusi mazu gha chimangu ndi gha uneneska,

Ezra 4:6

Po Ahaswerusi wangwamba kuwusa, ŵangulemba kalata wakuŵatundula ŵamu Yuda ndi mu Yerusalemu.

Yesaya 37:9

Sono karonga yo wanguvwa gha paku Tirihaka karonga wa Etiopia, “Waza kuzachirwa ndi iwe.” Ndipo wanguti waghavwa, wangutuma mathenga kwaku Hezekiya, kuti,

Yesaya 18:1

A! Charu chakukung'untha mapapa cho che kusirgha la misinji ya Etiopia;

Estere 2:3

Karonga watondo ŵakusunga charu mu vigaŵa vyose vya ufumu wake, kuti ŵawunganiske pamoza ŵamwali ŵampupuka ŵakutowa ku nyumba ya ŵanthukazi mu msumba wa Susa, kwachisungika ndi Hege mteŵeti wa karonga, musungi wa ŵanthukazi waŵapaske vyakujitozge.

Estere 10:1

Karonga Ahaswerusi wangusonkheska charu ndi virwa vyamu nyanja.

Danyele 11:2

“Ndipo sono ndikurongonge uneneska. Ehe, ŵakaronga ŵanyake ŵatatu ŵayukenge mu Perese; ndipo wachinayi waŵenge msambasi ukongwa kuruska wose, ndipo watakuti waŵa ndi nthazi ndi usambasi wake, wayuskenge wose kurimbana ndi ufumu wa ŵaGirisi.