Danyele 9:25 - Tonga Bible 1986

²⁵ Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Danyele 9:25 Referans Kwoze

Ezra 4:24

Ndipo nyumba yaku Chiuta yo yenga mu Yerusalemu yingurekeka; ŵangureka mpaka chirimika cha chiŵi cha muwusu waku Dariusi karonga waku Perese.

Yohane 4:25

Wamnene munthukazi, “Ndiziŵa kuti watuza Mesiya (wakutamulika Kristu) penipo waza iyo, wazamkutitauliya pakweru vinthu vyose.”

Yohane 1:41

Mweniyo po wanguti wasaniya danga mkuwake Simoni, wangumnene, “Tamsaniya Mesiya” (cho cing'anamuwa Kristu).

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Danyele 9:23

Pakwamba kuŵeyere kwako, mazu ghangutuwa, ndipo ndaza kuzachikunene chifukwa we wakwanjiwa ukongwa; viyo uziŵi mazu yagha ndi uwemu chiwona.

Danyele 8:25

Ndipo ndi uchenjezi wake wachitenge chanduwu chaupusikizgi mu janja lake, wajikuzgenge mu vinjeru vyake. Kwambura kudanga wachenjezga wakabayanga ŵanthu ŵanandi ndipo wakamikananga so ndi karonga wa ŵakaronga; kweni wakabwangandukanga kwambura janja la munthu.

Nehemiya 6:15

Viyo linga lingumara pa zuŵa la machumi ghaŵi la mwezi wa Elulu mu mazuŵa machumi ghankhonde pachanya mazuŵa ghaŵi (52).

Nehemiya 4:8

ndipo iwo wose ŵanguzomerezgana kuzachichita nkhondo ndi Yerusalemu ndi kuti ŵatimbanizge mitima ya ŵanthu ŵa mwenimo.

Nehemiya 3:1

Sono Eliyashibu mzukuru mura wangupamphuka pamoza ndi ŵabali ŵake ŵazukuru ndi ŵanguzenga likomo la mberere. Wangulipatuwa ndi ŵanguŵikamo visasa; ŵangulipatuwa mpaka kwachifika pa sonjo wa machumi pe chumi (100), kwachifika ku sonjo waku Hananele.

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

Machitidu gha Ŵakutumika 3:15

kweni chirongozgi wa Umoyo mungubaya, mweniyo Chiuta wanguyuska ku ŵakufwa; waku chenicho te ŵakaboni ifwe.

Marko 13:14

“Kweni penipo muwona unyakazi wa phasulu kuma pa malo gho kuti utenere kumapo cha (wakuŵerenga yo wawemo) sono wamu Yuda wathaŵiye ku mapiri;

Mateyu 24:15

“Viyo penipo muwonenge unyakazi wa mapopa, wakukambika ndi Danyele mchimi yo, uchima mu malo ghakupaturika (yo waŵerenga wawemo),

Danyele 8:11

Lingujitukumuwa mpaka lingufika ku karonga wa liŵanja; ndipo sembe yakocha ya zuŵa ndi zuŵa yingulondeka, ndi malo ghake ghakupaturika ghangubwangandulika.

Sumu 71:10

Pakuti ŵarwani ŵangu ŵakamba gha paku ine; ŵakukhazga umoyo wangu ŵapangana pamoza,

Ezra 7:8

Wanguza ku Yerusalemu mu mwezi wa chinkhonde wamu chirimika cha chinkhonde ndi chiŵi cha karonga.

Ezra 7:1

Sono pavuli pa vinthu ivi mu muwusu waku Arataserese karonga waku Perese, Chiuta wangudana Ezra, mwana waku Seraya, mwana waku Azariya, mwana waku Hilkiya,

2 Samuele 15:25

Karonga wangunena ndi Zadoki, “Weriyani nalo mu msumba Bokosi laku Chiuta. Asani Ine ndasaniya wezi mu maso gha Ambuya akandiwezganga so ndazamukuliwona lo, ndi malo gho lijapo,

ŴaEfeso 5:16

ŵakujiwombole nyengo, pakuti ngaheni mazuŵa gho.

Machitidu gha Ŵakutumika 8:30

Ndipo pakuchimbiriyako Filipu, wangumuvwa wachiŵerenga Yesaya mchimi yo; ndipo wanguti, “Kumbi muteska, na ghenigho muŵerenga?”

Mateyu 13:23

Kweni yo yingumijika pa nyata yamampha, uyu ndi mweniyo ngwakuvwa mazu ndi wakuwamo; mweniyo ndiyu wapasa, ndi wachita, uyu vya machumi pe chumi, uyu vya machumi ghankhonde ndi limoza, uyu vya machumi ghatatu.”

Nehemiya 4:2

Ndipo wanguti paurongo pa ŵabali ŵake ndi paurongo pa liŵanja la nkhondo la Samaria, “Ŵachitanji yaŵa ŵaYuda ŵakutomboloka? Kumbi ŵakawerezgiyangamo vinthu? Kumbi ŵakaperekanga mpasku? Kumbi ŵakamalanga kuchita pa zuŵa limoza? Kumbi ŵakawunjikanga so mya kuyituzga mu zindundu za kuviza, ndi yo yikufya mwenimo?”

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;

Mika 5:1

Sono mwazingirizgika ndi linga urwani watijarizga; ŵapuma ndi nthonga pa dakama la fumu yaku Yisraele.