Danyele 9:21 - Tonga Bible 1986

²¹ ndichikamba mu kuromba, munthu Gabiriele, yuwa ndingumuwona mu chiwona pakudanga, wanguza kwaku ine wakuŵatuka kwaruŵi panyengo ya sembe ya mazulo.

Danyele 9:21 Referans Kwoze

Luka 1:19

Ndipo pakwamuka mungelo wanguti kwaku iyo, “Ine ndine Gabriele, wakuma pa maso paku Chiuta; ndipo ndingutumikiya kukukambiya, ndi kukutauliya ghakunozga yagha.

Danyele 8:16

Ndipo ndinguvwa mazu gha munthu pakati pa maruwu gha msinji wa Ulai, ghakudana kuti, “Gabiriele, muziŵiske munthu uyu chiwona ichi.”

Danyele 10:16

Ndipo ehe, yumoza wakukozgana ndi mawonekedu gha ŵana ŵa ŵanthu wangukwaska mlomo wangu, ndingukamba ndinguti kwaku yo wanguma paurongo pangu, “Mbuya wangu, chifukwa cha chiwona, maurwirwi ghandiziya, ndipo nthazi zandimariya.

1 ŴaKaronga 18:36

Ndipo pa nyengo yakupereke chisopo, Eliya mchimi wanguza pafupi, wanguti, “Ambuya, Chiuta waku Abrahamu, Yisaki, ndi Yisraele, chitani kuti ndimwe Chiuta waku Yisraele, ndi kuti ine nde muŵanda winu, ndipo ndachita vinthu vyose ivi pa mazu ghinu.

ŴaHebere 1:14

Asi wose wo mbazimu ŵakuteŵeta, ŵakutumikiya kwachiteŵete pa chifwa chaku wo ŵakhasa kuhara utaski?

Machitidu gha Ŵakutumika 10:3

Nge mpha ora lichinkhonde ndi chinayi la msana wanguwona pakweru mu chiwona mungelo waku Chiuta kusere kwaku iyo, ndi kunena nayo, “Kornelio!”

Danyele 10:18

Ndipo so munyake yumoza wakuŵa ndi kawonekedu nge nkha munthu wangundikwaska ndi wangundikhwimiska.

Danyele 8:18

Ndipo penipo wakambanga nane ndenga mu tulo tuzitu ndingusindama chisku changu; kweni wangundiyuska, ndi kundimika.

Yesaya 6:2

Pachanya paku iwo panguma ŵaserafi, yumoza ndi yumoza wenga ndi mapapa ghankhonde ndi limoza, ndi mapapa ghaŵi wanguvimba chisku chake, ndi ghaŵi wanguvimba marundi ghake, ndipo ndi ghaŵi wanguphururuka.

Sumu 103:20

Rumbani Ambuya, mose mwa ŵangelo ŵawo, mwa vilimbi vyanthazi, mwakuvwiya marangu ghawo, mwa ŵakutegherezga kwaku vyo akamba!

Chituwa 29:39

Kamberere kamoza mukapaskanga ndi mlenji, ndi kamberere kanyake mukapaskanga ndi mazulo;

ŴaHebere 1:7

Ndipo ku ŵangelo nawo watiti, “Yo ngwakuŵachita ŵangelo ŵake zimphepu, ndi ŵamirizi ŵake mlipu wa motu.”

Machitidu gha Ŵakutumika 12:7

Ndipo wonani, mungelo wa Mbuya wanguma pake, ndi kungweruka kunguŵaliya mu ulinda. Ndipo wati wapamantha liŵaghara laku Petro, wangumyuska, wakunena, “Soka ruŵi!” Ndipo maunyoru ghangudeuka ku manja ghake.

Machitidu gha Ŵakutumika 10:9

Kweni ndi mlenji, ŵachiruta ŵeniŵa mu nthowa ndi kuŵandika ku msumba wo, Petro wangukwere pa nyumba pachanya kwachiromba, akhumba pa ora lachinkhonde ndi chomoza.

Machitidu gha Ŵakutumika 3:1

Kweni Petro ndi Yohane ŵakweriyanga ku kasopi pa ora la marombo, ndilo lachinkhonde ndi chinayi.

Mateyu 27:46

Ndipo akhumba pa ora lachinkhonde ndi chinayi wangubongo Yesu ndi mazu ghakuru, wakuti, “Eli, Eli, lama sabakatani?” Lo lititi, “Chiuta wangu, Chiuta wangu, chifukwa chine mwandisiya?”

Danyele 10:10

Ndipo janja lingundikwaska ndi lingundijarika wakumbwambwantha muvikufi vyangu ndi mu makongono ghangu.

Ezekiele 1:14

Ndipo vyamoyo vyo vyandwandwanthanga kunu ndi kuwa, nge nkhumwetuka kwa limphezi.

Ezekiele 1:11

Viyo ndimu vinguŵiya visku vyawo. Mapapa ghawo ghangutambasukiya kuchanya; chamoyo chose chenga ndi mapapa ghaŵi, limoza laku gho ghaŵi lingukorana ndi phapa linyake, po ghaŵi ghangubenekere maliŵavu ghawo.

Sumu 104:4

Muchitiska zimphepo nge ndi mathenga ghinu, kumwetuka kwa limphezi nge mbateŵeti ŵinu.

Luka 1:26

Kweni mu mwezi wo wachinkhonde ndi chimoza mungelo yo Gabriele wangutumika ndi Chiuta ku muzi waku Galile, zina lake Nazerete

Chivumbuzi 9:17

Viyo ndimo ndinguwone mu chiwona changu cha ŵakavalo ndi wo ŵangugara paku wo, wo ŵenga ndi vyapachifuŵa viyera nge ndimoto, vyabulu nge ndi mwa wasangarawe, ndipo mitu ya ŵakavalo yenga nge ndi mitu ya zinkharamu; ndipo mu milimo yawo mungutuwa moto ndi usi ndi fukunyira.

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

Ezekiele 14:14

inya, chingana yaŵa ŵanthu ŵatatu. Nowa, Danyele, ndi Jobu ŵenga mwenimo ŵatine ŵataskenge maumoyo ghaku iwo ŵeneko pe kwakulingana ndi urunji wawo, atiti Ambuya Chiuta.

1 ŴaKaronga 18:29

Unguti waruta msana pakati, ŵangurutiliya kujikweŵeska mpaka nyengo yakupereke visopo, kweni kwengavi limazu; pengavi yumoza wangwamuka, pengavi yo wanguphwereko.